السبت، 17 فبراير 2007

اللقاء الشهرى الثانى

أصدقائى المدونين الأعزاء
أختى سافرت النهاردة وفضيت لكم
الآن أحب اسمع اقتراحاتكم بالنسبة لمكان وزمان اللقاء الشهرى الجديد
عاوزة أحس بالحماااااااااااااااااااااااااااس
وبافكركم تانى
المكان المناسب واسعاره
اليوم المناسب
التوقيت المناسب

هناك 75 تعليقًا:

أحمد سلامــة يقول...

انشاء الله أختك توصل بالسلامة وتكون اتبسطت هنا كتيير
بالنسبه للمكان انصحك ماتتنازليش عن شرط الشيشه المره دي
كويس انك ماتنازللتيش عن تكرار الفكرة
انا قلت انتي نسيتي والله
طبعا انا ماقلتش على اقتراحات لاني متعود اسمع الاول
وطبعا كده كده هوافق غصب عني

raspoutine يقول...

انا كمان اختى مساره يوم الاربعاء وكنت مسافر معاها لكن ظروف شغلى منعتنى انى اسافر فى الوقت الحالى وهاسفرلها بعد كام شهر عشان اعمل العمرة ان شاء الرحمن
بصى اى مكان تحددوه وتتفقو عليه ابقى بلغينى بيه ولا نسيتى عنوان البوست بتاعى
انتى مشوفتيش اخر صور ليا فى اسكندريهعلى العموم حددو المكان والزمان وممكن يكون الكافيه بتاع المره اللى فاتت مكان جميل وكمان متأمن كويس يا ريس
عشان بجد انا كمان نفسى اشوفكم واقعد معاكم وحشتووووووووووونى

ايمن فاروق

عبدالله يقول...

بما اني مش هعرف اجي يبقي مالوش لازمه اعلق هنا
:)
انا بقول تعالوا نتاقبل في السعوديه في الربع الخالي و اهي فرصه برضه الي عاوز يدخن و لا يشرب حاجه الدنيا واسعه مش هيضياق الي جنبه

تحياتي

محمد عبد الغفار يقول...

اى يوم خميس بعد الساعه 6 نادى القوات البحريه بكورنيش النيل بعد كوبرى قصر النيل وقبل شيراتون الجزيرة

هذا أقتراحى

Hannoda يقول...

أخبرا ياسمين ع البلوج
انشاء الله توصل أختك بالسلامة وتكونوا شبعتوا من بعض
أما عن اللقاء فياريتني كنت معاكم بس طبعا حاتحكيلنا كل حاجة
أتمنالكم لقاء لذيذ ومفيد لكم و لينا

أنا في انتظار أخبار اللقاء

مصر هى أمى يقول...

ياسمين
يارب تفضلى كده على طول تجمعى المدونيين

The Alien يقول...

مبسوط بالإقتراح وهاجي
وأنا بقترح أي يوم جمعة
الساعة 6 في وسط البلد
علي البورصة
حيث تتوافر الشيشة وجميع المشاريب
بالإضافة إلي مكان واسع
وكل ده بأسعار هتحبوها

تحياتي

SomeOne يقول...

على فكرة انت فوتي عليا فرصة المجيء
بالغائك القاء السابق
انا كنت فاضي
وموجود بالقاهرة

بس دلوقتي

انا بدرس في اسيوط
صعب قوي

بس اتمنى للقاء النجاح
واتمنى ان نسبة حضور المرأة تفضل
30%
اصله باين كده انها ح تقل
:)

أسوور يقول...

أحمد سلامة

أدينا هنتابع الإقتراحات سوا

وانشاء الله يكون لقاء موفق كسابقه

أسوور يقول...

راسبوتين

ربنا يوفقك فى العمرة

انت بتقترح تريانون برضه

بس فى ناس مش حاباه

عموما هنشوف افقتراحات فى النهاية وهناخد رأى الغلبية

اصلى ديموقراطية جدا

أسوور يقول...

عبد الله

أول مرة أعرف انك قاعد فى السعودية

بجد الله يكون فى عونك

العيشة فى السعودية صعبة بجد

ولا انت ليك راى تانى؟؟

أسوور يقول...

محمد عبد الغفار

واضح ومحدد

يوم الخميس الساعة 6:30

فى نادى القوات البحرية

بجوار شيراتون الجزيرة

اللى موافق يرفع ايده

أسوور يقول...

هنوودة

يا ترى ليه ما تكونيش معانا؟؟؟

أسوور يقول...

مصر هى أمى

لا اقتراحات؟؟

طيب

أسوور يقول...

TheAlien

انت تقترح الاتى

قهوة بورصة أو البورصة

يوم الجمعة الساعة 6 م

ومازلنا فى انتظار اقتراحات أخرى

أو تأييد لإقتراحك أو اقراح

محمد عبد الغفار

أسوور يقول...

شادى فايد

للأسف مش هنشوفك

معلش

الجايات أكتر من الرايحات

قاسم أفندي يقول...

والله كان بودي أشارك بس برضه من المقيمين في الخارج
بس في انتظار المينتس اوف ميتنج بقي
تحياتي

أسوور يقول...

قاسم افندى

كنت أتمنى أن تكون معنا بس معلش

برضه الجايات أكتر من الرايحات

وربنا يجيبك بالسلامة

.:.-=- ELGaZaLy-=-.:. يقول...

فكرة حلوة ان الناس تتقابل لايف...

بس يمكن مش كل الناس تعرف بعض اصلا..

عامة فكرة جميلة..

أسوور يقول...

الغزالى

على فكرة دة انشاء الله هيبقى اللقاء الثانى

وكنا نتمنى تكون معانا

شكرا

عبدالله يقول...

ليا مشاركه صغيره رغم اني مش هحضر

لازم لما ننقي مكان نراعي ان ممكن بنات يقعدوا فيه يعني موضوع ان فيه شيشيه معتقدش هيناسب البنات لو في بنات هتيجي مش هتيجي بسبب المكان و النادي برضه مش هيبقي حل بس مقبول
اعتقد افضل مكان تريانون مكان محترم و معروف و ان كنت بفضل اماكن مفيهاش تدخين كمان دي مش مجرد خروجه شبابيه يعني لو عاوزين يكون في بنات يبقي نراعي المكان

ياسمين
الحياة في الغربه دايما صعبه مش السعوديه بس هيا بلد منغلقه شويه و مفيهاش مكان للترفيه و الخروج قوي بس متعة انك تقدر تنزل مكه في اي وقت لو عاوز كل ويك اند عادي متعه تشيل قدامها اي صعوبه تواجها في الحياة
سؤال اخير
في البوست بتاع التعدد ده في الاخر واحد كاتب انه الزوج و عامل مدونه لعرض رايه
هل هوا الزوج فعلا

تحياتي

LAMIA MAHMOUD يقول...

انا جيت اصبح وامسي

Carol يقول...

hi yassmin ezayek :)
merci 3ala so2alek gidan
wenty kaman wa7ashtiny :)
i'm back 7'alass...

أسوور يقول...

عبد الله

على فكرة انا بحب الشيشة وفى بنات كتير بتدخن لكن راى المجموعة هو اللى يهمنى

المكان اللى هيتفقوا عليه .. هأوافق عليه

أيوة هو الزوج .. بس انا ما أخدتش بالى .. انت اللى نبهتنى

دخلت مدونته؟؟

LAMIA MAHMOUD يقول...

اه لو خليتيها على البورصة يبقى هايل انا كده كده هناك

أسوور يقول...

لمياء محمود

يا صباح ويا مساء الفل والورد والياسمين

أسوور يقول...

كارول

أخيرا الحلوة اتكلمت

تمام كدة يا قمر

أوعى تغيبى تانى

أسوور يقول...

لمياء محمود

أنا ممكن أعمل أى حاجة عشان تبقى معانا

انتى تأمرى يا سكرة المدونات

الدبور يقول...

انا جاي يا كماحه
مش مهم المكان المهم الشيشه
و اعتقد ان مكان البورصه اللي بيقولوا عليه شكله كويس و فيه شيشه و حلبه حصي وسحلب و خلافه اما نادي القوات البحريه فمكان كويس بس مش فيه شيشه للاسف
انا مع البورصه ومع الشيشه قلبا و قالبا
بالمناسبه لو ليكي ايميل علشان اعرف منك تفاصيل اكتر و اسئله اخري حول اللقاء ياريت تبعتي ليه علي ايميل المدونه
masryblog@yahoo.com
وفي اسرع وقت

نهارك لذيذ
الدبور

karakib يقول...

أنا هاجي بس هو امتي ؟؟ و فين

مصر هى أمى يقول...

ياسمين
اعتقد ان اغلبية الناس مختارة البورصة الايميل بتاعى
m_adel2000@yahoo.com

Hannoda يقول...

أنـــا مش معاكم عشان أنـــا فقطر:(

بس ولا يهمك.. لما أنزل وتعملوا لقاء حاجيلكوا من اسكندرية فورا

تمنياتي بلقاء ناجح

.:.-=- ELGaZaLy-=-.:. يقول...

انا فى مصر اساسا الايام دى اختارو مكان ولو سهل وقريب لية لا...

أسوور يقول...

حتى الآن

الغالبية يصوتون لقهوة بورصة اللى أنا ما اعرفش عنها حاجة خالص

هى فين بالظبط يا جماعة؟؟

حد يقول العنوان بالتفصيل

وايه ظروف الركن فى وسط البلد؟؟

أسوور يقول...

الغزالى

فرصة طيبة عشان نشوفك

The Alien يقول...

البورصة في وسط البلد
في الشوارع الصغيرة اللي عند البنك المركزي والبنك اﻷهلي والبورصة المصرية ... عشان كده سموها البورصة
فممكن توصلوها من شارع قصر النيل أو من شريف
الموضوع سهل وميتوهش
وبالنسبة للركن ... متقلقيش يا ياسمين ... ممكن نفضيلك شارع

أسوور يقول...

the alien

أنا اصلى وسط البلد بالنسبة لى توهان موووت

وشكلى كدة هقابل حد فى اى حتة أعرفها وبعدين يودينى

زى العيال الصغيرة

أسوور يقول...

لو لية حق الإقتراح

اقترح سافارى كلب
فى ميدان لبنان
أكل وشرب وشيشة واسعاره حلوة
يعنى البيبسى مثلا بـ 5 جنيه
وحجر الشيشة بـ 5 جنيه
والشاى بـ 5 جنيه
وطبعا رأى الأغلبية برضه هو اللى يمشى

اصلى ديمقراطية جدا

Unknown يقول...

انا سايبلك تحديد المككان و الزمان

المهم اننا نتجمع و اتعرف على اصدقاء جداد جمال زييكم


و اول ما تقرروا انا مستنى تقولولى

تحياتى

أسوور يقول...

why me

طبعا هنقولك ومرحبا باى حد من المدونين الراعين اللى زيك

انحلت سيور العربه وسقط المهر من الاعياء يقول...

ياسمين

احب ان احيكى واقو ل انى مو افق على الحضور فى المكان الذى حددتيه بميدا ن لبنان فى سا فا رى
اذا لن يكن هنا ك مو انع لحضورى

ار جو تحديد الميعا د

تحياتى لشخصك الجميل

أميرة يقول...

يارب تكون
اختك بخير ووصلت بالسلامة اعتقد اجازتها ماطولتش

وتكونى انتى كمان بخير بعد سفرها ياجميلة

صحيح هو اللقاء كل شهر ؟؟

هقر عليكوا شوية انا فى المنصورة غلبانة كدة مافيش حد هنا عشان نعمل لقاء احنا كمان ؟؟

على فكرة ياياسمين انا رديت على كل مواضيعك اللى فاتتنى بس انا بتأخر شوية معلش مشغوليات

نفسى مرة اجى وابقى اول رد عندك او تالت رد حتى

تحياتى

أسوور يقول...

الجحيم هو الحقيقة

طب كويس أول واحد يوافق على اقتراحى

شفت البوست بتاع المشكلة؟؟

عاوزين مشاركتك

frozen love يقول...

يبدو اني المشروع واخدني منكم فعلا..والله ليكم وحشة وانا مبسوط قوي بحوار اللقاء ده...المرة دي باذن الله لازم اجي..انا المكان مش فارق معايا..بس الوقت هو المشكلة الاسبوع ده عشان عندي مناقشة

انا ممكن اجي لو هي يوم جمعة او سبت..غير كده هيبقى صعب..بس ان شاء الله هاحاول


اقتراحي بقى المهندسين يوم الجمعة الساعة 6 او 7 كده

أسوور يقول...

أميرة ويلز

خسارة انك بعيدة كدة

كان نفسى اشوفك وأتعرف عليكى وتكونى معانا

أكيد ناس كتير هتفتقدك فى اللقاء

شكرا لدعمك

أسوور يقول...

يبقى كدة يا جماعة قدامنا
الخميس
الجمعة
السبت

الساعة 6 فى أى يوم منهم

الأماكن المطروحة

نادى البحرية بجوار شيراتون الجزيرة
قهوة البورصة فى وسط البلد
سافارى كلب فى ميدان لبنان

رجاء التصويت لليوم وللمكان

انحلت سيور العربه وسقط المهر من الاعياء يقول...
أزال المؤلف هذا التعليق.
حدوته مصرية يقول...

انا مع اى مكان تقولوه باذن الله بس الوقت مهم و ربنا يستر وتختاروه و اكون فاضى فيه الايام اللى تنفع معايا الاحد او الخميس مثلا اللى تختاروه باذن الله هاحاول واجى
و معلش على غيابى يا ياسمين

The Alien يقول...

موافق علي أي حاجة
مع إني طبعا بأيد إقتراحي
بس بلاش الخميس لو هنتقابل اﻷسبوع ده

مصر هى أمى يقول...

الجمعة الساعة 6 نادى البحرية
اعتقد ده الانسب

micheal يقول...

رجاء يا ياسمين أول ما تتأكدوا من الميعاد و المكان بلغيني في مدونتي
تحياتي لكي و للجميع

أسوور يقول...

محمد ياسر

الخميس ماشى

أسوور يقول...

مصر هى أمى

نادى البحرية

أسوور يقول...

مايكل

اكيد هيحصل

أسوور يقول...

the alien

والله موضوع قهوة برصة مطروح كغيره

مع نادى البحرية وسافارى بالمهندسين

والتصويت هو اللى هيحدد

الدبور يقول...

البورصه

Amr Ahmed يقول...

انا اقترح البورصة

والمكان مش هايفرق اوي يعني


بس انا يناسبني الجمعة

يعني الجمعة في اي مكان مش هاتفرق
بس ياريت تقرروا بدري شوية

أميرة يقول...

ياسمين ماتنسيش تفتكرينى فى اللقاء

انا هبقى معاكوا بروحى طبعا

الأباصيرى يقول...

كان نفسى أجى معااااااكم
بس انا فى الكويت

لما أنزل مصر ياريت يكون فى لقاء.. بجد عايز أتعرف عليكم

فكرة حلوة بجد

mariam يقول...

دى فكره حلوه قوى يا ياسمين
انا هحاول آجى
و اصوت لقهوة البورصه

أسوور يقول...

الأباصيرى

أهلا بيك وكنا نتمنى تبقى معانا

أسوور يقول...

مانو

خلاص هنستناك
تابع المعاد والمكان على البلوج

غير معرف يقول...

أنا بتوه من التعليقات كل واحد يحط مكان ومعاد ...ممكن لو أنت تحطى المعاد و المكان فى بوست واضح عشان الغلابة البيتوه زى ؟ هموت و أجاى المعاد الشهرى و لو مره .....

أخر حاجة فهمتها أنه قهوة البورصة بس أمتى و الساعة كام ...؟؟؟؟

ody911 يقول...

أنا كنت معدية قلت أخد الجمعية

وعادى بقة
أودى

ody911 يقول...

ياترى أنا معزووووووووم
؟؟؟

لو آه

يبقى نقوا مكان رخيص وإبن ناس



أعملوا حساب الناس العاطلة

ولو مش مدعوا

عاى برضوا
أودى

أسوور يقول...

نوران

فعلا أنا هاعمل بنصيحتك وهاحط المعاد والمكان فى بوست لوحده

وأكيد هتنورينا مش نور واحد لأ دة انت نوران

أسوور يقول...

أودى

انت تشرفنا والله
دى مش مضمونة
:))))

غير معرف يقول...

وياترى المعلقين مش المدونين مدعوين ولا لا؟

ايه حكاية الشيشه دى
زعلتينى أوى
يابنتى خافى على صحتك

أسوور يقول...

حسن محمود

اهلا بيك معانا اشكرك لإهتمامك بصحتى

عبدالله يقول...

ممكن اسأل سؤال رخم
:)
ليه
:))

تحيايت

smraa alnil يقول...

ياسمين خليها البورصة
المهم انيت اخبارك ايه وحشاني يا بنتي

أسوور يقول...

عبد الله

هو ايه اللى ليه؟؟ظ

أسوور يقول...

أخيرا سمراء الجميلة

ايه يا بنتى .. انتى فينك

نمشيها بورصة عشان خاطر عيونك ياقمر

كلبوزة لكن سمباتيك يقول...

نجيب قفل الدكان لية؟

غير معرف يقول...

كان نفسى اجى
بس بقول لما الواحد بيشوف الواحد على الحقيقة كل اللى فى خياله بيتهد
على ايه بقى
وبعدين كله رايح بمدونه وانا أروح حاف من غير مدونه!!!
وحشه برضه

المهم كنت عايزكم تناقشوا مين احسن مدونة وتقيموا احسن مدونة ازاى

وياست ياسمين مش بسأل على صحتك عالشان تقوليلى شكرا
انتى حره بقى
اللى بيدخن === بيأذى نفسه
سلام