الاثنين، 26 فبراير 2007

دكتور الأسنان .. والألم الذى كان

من مدة طويلة .. سنين .. كان عندى ضرس بيوجعنى من حين لحين .. ضرس فى الفك العلوى على الشمال
المهم انى كل شوية أروح لدكتور شكل .. يروح شايل الحشوة القديمة ويحط واحدة جديدة ويقولى مش هيوجعك تانى ولما اقوله لسة بيوجعنى يقولى متهيألك .. أو انتى بتدلعى .. او دة من آثار الشغل فيه..كدة يعنى
ومن دكتور لدكتور ولافيش فايدة .. كل واحد يبص فى اسنانى ويقولى أنا مش شايف غير صفين لولى .. للعلم ولا سنة مسوسة عندى خالص غير الضرس دة اللى بيسموه السفن فى عالم طب الأسنان يعنى الضرس السابع
المهم أختى كانت بتروح لدكتور فى المهندسين ورحت مرة معاها وقالى برضه هنغير الحشوة
وبعد ما فتح الضرس وحط حشوة مؤقتة ما عرفتش أنام من الوجع ودة كان من حوالى 8 شهور تقريبا
ومن ساعتها فضلت اتعذب، يشيل الحشو يحط غيره مؤقت وبرضه بيوجعنى .. قال نموت عصب .. وموتناه .. وبرضه بيوجعنى .. مرة فتح لقاه بيطلع صديد وحاول يفهم دة من ايه ما فهمش .. فضلت آخد مضاد حيوى ومافيش فايدة .. أول ما ابطل المضاد يرجع الصديد .. الدكتورغلب وانا غلبت معاه
.. قلت أروح لدكتور تانى .. عيادة فخمة مووووووت فى المهندسين برضه وكاميرات وكمبيوتر هيلامان .. بس حسيت انه مصور اكتر منه دكتور اسنان .. التكنولوجيا لازم تخضع للإنسان مش الإنسان هو اللى يخضع للتكنولوجيا
وطبعا ما كملتش معاه لنى ما حسيتش براحة فى عيادته الفخمة قوى قوى واللى حسستنى انى فى سرايا مش فى عيادة اسنان
واحدة صاحبتى قوى قوى وهى صاحبة مدونة سهر الليالى الجميلة أمانى قالتلى تعالى اوديكى لأصحابى الأطباء الشبان اللى فاتحين مركز اسنان فى مكرم عبيد .. قلت ماشى .. نروح نجرب .. كل دة والضرس مفتوح على البحرى .. وفى الحقيقة هم ساعتها بقوا ضرسين مفتوحين السيكس او السادس والسفن أى السابع اللى بدأت منه المشكلة اصلا
رحت للمركز وقابلت الدكتور الجميل أحمد الروبى ومدير مركز النيل للأسنان وأخبرنى ان هناك خراج بالفك العلوى فوق الضرس وان دة سبب الوجع .. وقالى بصراحة ان العلاج هيطول شوية عشان نتفادى الجراحة لأن الجراحة هتبقى آخر حل وبدأ معى العلاج..
وقدم لى دكتور أحمد الروبى شريكه فى المركز دكتور محمد رمضان الفار .. ورغم ان تخصصه جراحة فم فى الاصل الا انه استكمل معى رحلة علاج طويلة استمرت لمدة 3 شهور تقريبا لتفادى الجراحة .. ولم ييأس وهو يقوم بفتح الضرسين مرتين فى الاسبوع وغسيل الصديد المتدفق الذى لم يجف ابدا حتى اتخذ قرارا نهائيا بإجراء الجراحة التى بدا فيما بعد أنه لا مفر منها
ساعدنى على تحمل تلك الفترة الطويلة من الألم الصداقة القوية التى ربطت بيننا والتى يجب ان تتوفر بين الطبيب والمريض خاصة فى حالات العلاج الطويل الشبيهة بحالتى
حدد لى الطبيب الشاب الإنسان المتألق دائما دكتور محمد رمضان الفار موعدا للجراحة ولأنه صديق طلبت منه أن يؤجلها حتى تسافر أختى فوافق بشرط الإلتزام بالغسيل مرتين اسبوعيا .. ثم طلبت التأجيل مرة اخرى حتى يمر موعد اللقاء الشهرى للمدونين ولم يتأخر الرجل .. ثم حدد موعدا آخر يناسب مواعيد تواجده فى العيادة مساء كل يوم وكان السبت الماضى وفى الصباح هاتفنى لتأكيد الموعد ، وعندما علم أنه لا يوجد من يصحبنى بعد الجراحة للبيت قرر ان يغير الموعد لصباح الأحد وهو يدرس فى احدى الجامعات المصرية ، وقد قام بأخذ أجازة خصيصا عندما تأكد أن الصديقة الجميلة سهر الليالى سوف تصطحبنى بسيارتها فى هذا الموعد الصباحى وأنه يناسبها
استغرق حوالى 4 ساعات وهو يقوم باغلاق الضرسين ثم فتح اللثة وتفتيت الجذر ثم استئصال 3 جيوب صديدية وليس جيبا واحدا كما اعتقدت ثم خياطة الجرح بما يزيد عن 7 غرز شعرت بأغلبها لأن تاثير البنج كان قد قل كثيرا
ولم يساعدنى على الصبر والتحمل سوى وجهه البشوش طوال الجراحة
تحية لدكتور محمد رمضان الفار فهو انسان يندر وجود مثله فى زمن اصبح الطب فيه تجارة
اذكروا معى هذا الإسم فلسوف يصبح من اكبر واشهر الأطباء فى مجاله .. وهتقولوا ياسمين قالت

هناك 117 تعليقًا:

بيتنا القديم يقول...

تحية للدكتور محمد رمضان الفار

الذي ريحك وريحنا وريح شعب مصر من آلام

اسنانك التي لا نطيق ان نري اثرها في

عيونك

******************
طب هو لما سيادتك ضرسك وجعك طب مش

نعمل حاجه لله ونعزم المدونيين الغلابنيين

اللي هم سيادتي واحمد شعبان بيه صاحب

مدونة "مالكش دعوة"

وإحنا والله مابتنكلمش كتير ومابنكلش

كتير ومابنبحلئش بردوه كتير

*****************

علي العموم الف سلامة ياجميل علي

السنتين اللولي اللي راحو في الهوا

بالمناسبة عرضتيهم علي جواهرجي ولا

نيجي ونشتريهم

سؤال برىء

واحد من الناس يقول...

هذه اول مره ازور مدونتك بعد علمي بموضوع الملتقى الشهري للمدونين الذي كنت اتمنى ان اتواجد فيه
وعموما خيرها في غيرها

والف سلامه على صفين اللولي مع اني كنت ارجح ان الدرص الي يوجعك شيليه وارتاحي منه

عبدالله يقول...

في الاول الف سلامه من العمليه الصغيره دي
واتمني ان شاء الله ميبقاش في الم تاني رغم انها عمليه صغيره بس اكيد بتغطي علي الم كبير

واعتقد كده عرفتي ان الحل دايما في وجع الضرس انك تخلعيه

مش الضرس بس لا دي اي حاجه في الدنيا كده الي توجعك اخلعيها خصوصا لو فيه صديد
:)))))))

تحياتي

كلبوزة لكن سمباتيك يقول...

الف سلامة يا جميلة
شفاء و طهور ان شاء الله
انا كمان ضرسي اليمين اللي مزنوق جوه ده عايز يتخلع
و بيسموه ضرس العقل
تفتكري لو شلته حتجنن؟
:))
الف سلامة

علشان تحرمي تاكلي جلاس و تذوبي في قلوب الناس
--
اية الكلام الجميل اللي قراته عنك في كل المدونات دي بعد لقاء البورصه
اكيد تستاهلي اكتر

تحياتي

الدبور يقول...

علي الهوا كل الناس عرفت بالموضوع
الف سلامه عليكي يا ياسمين خدي بالك من سنانك بعد كده وان شاء الله ترجعي بالسلامه

والسلام عليكم ورحمه الله وبركاته
الدبور

daktara يقول...

الف سلامه عليكي
دي اول مره ليا هنا بس انا سعيد جدا بالمدونة
وخليتوني اندم علي عدم حضوري لقاء المدونين
انا شخصيا من مشجعي ومؤيدي الاطباء الشبان
لأن كل واحد فيهم او فينا بيبذل اقصي ما عنده علشان يثبت نفسه وعلشان راحة العيان
تحياتي والف سلامة عليكي

-_- يقول...

اهم حاجة سلامتك

حمدلله على السلامة و الف لا بأس عليك

غير معرف يقول...

ياه و جع السنان ده مؤرف 00 و الأرف انك تلاقي دكتور بيفهم و كويس
ربنا يرحمك

أسوور يقول...

سمسم

هو بالفعل يستحق التحية وانت وأحمد شعبان تتعزموا وتاكلوا وتتكلموا زى ماانتوا عاوزين
السنتين اللولى لسة موجودين يا باشا بس هيركب عليهم كراون
هو أنا أفرط فيهم بالسهولة دى برضه
تحياتى لسمسم واحمد شعبان

أسوور يقول...

واحد من الناس

أحب انك تكون معانا فى اللقاء الجاى
وبعدين انا صعب علية أفرط فى حتة منى بالسهولة دى

أسوور يقول...

عبد الله

الله يسلمك يا جميل

وعموما أنا فهمت قصدك

;))))

تحياتى

أسوور يقول...

سمباتيك

شكرا يا جميلة يا رقيقة وياريت تبقى المشاركة النسائية أكتر فى اللقاءات القادمة ، الناس محترمين جدا بجد
أما بخصوص الضرس .. هو طبعا لازم يتخلع
تعالى أوديك للدكتور الجميل بتاعى

صدقينى مش هتندمى

أسوور يقول...

الدبور

شكرا يادكتور ما انت طبعا تلاقيك متحمس لزملائك الحلوين اللى زيك

عقبال كدة ما تبنج واحدة كويس وتفوق تكتب عنك

:))))

أسوور يقول...

دكترة

طبعا لازم تبقى معانا المرة الجاية وأكيد هتنورنا مع زميلك الدكتور اسامة الدبور

على فكرة دى حقيقة
الطباء الشبان أكثر ضميرا ولم يتأثروا بعد بفكرة أن الطب تجارة

تحياتى لكم جميعا

أسوور يقول...

شارم

الله يسلمك من كل شر وسوء

عاوزينك معانا بقى فى اللقاء الجاى

أسوور يقول...

كوكاوى

دى حقيقة وجع الاسنان بيبقى عذاب

والحمد لله انى لقيت دكتور كويس وعنده ضمير

دكتور أكثر من رائع

الدبور يقول...

وايه الاخبار دلوقتي اسنانك عامله ايه وهتفكي الغرز امتي ؟

أسوور يقول...

العملية جميلة ومش تعبانة الحمد لله
بآكل وبأتكلم وباستعمل بقى عادى جدا
البركة فى زميلك الجميل

هافك الغرز السبت الجاى

تيجى تفكهالى انت يا دكتور ولا انت تخدر بس

مصر هى أمى يقول...

الف سلامة على اسنانك يا باشا

ممكن تقوليلنا على عنوان الدكتور بتاع المهندسين واحنا نروح نكسرة عيادته على الكام يوم اللى ضيعهم على سعادتك واسنانك واجعاكى

عايزين عزومة كبيرة اوى بمناسبة فك الغرز ماشى

The Alien يقول...

ألف سلامة
وبرافو عليكم إنك إتحملتي وكملتي العلاج
متسمعيش كلام العيال دي
اللي يوجعنا نعالجه مش نخلعه
ولا إيه ؟
وتحية لكا دكتور محترم لسه بيتعامل مع الطب كعمل إنساني راقي مش تجارة وجزارة
وألف سلامة يا جميل

أسوور يقول...

مصر هى امى

شكرا يا محمد يا جميل

بس كدة عزومة عزومة وانشالله ما حد حوش

قال يعنى فى حد بيحوش فى الزمن دة اصلا

أسوور يقول...

the alien

أهلا بحكيم المدونين .. فعلا اللى يوجعنا نعالجه ونشوفله حل مش نخلعه

الخلع فى الآخر خسارة لينا مش للضرس

وكان من أحد الأسباب التى دفعتنى لكتابة هذا البوست .. الرغبة فى تكريم هذا الطبيب

خواطر مثليه يقول...

الف الف سلامه عليكي ياياسمين
و بتمني ليكي الشفاء التام
انا يمكن عارفه اد ايه وجع السنان وحش علشان شغاله في المجال ده و بيقابل مرضي كتير بيشتكوامن وجع السنان و صدقيي بيكون علي حسب الدكتور او الدكتوره و مدي الراحه اللي بيقدروا يحسسوا بيها العيان اللي قدامهم و اد ايه بتكون سعادتي لما بحس اني عملت شغل كويس و خففت الم مريض و صدقيني انا مش واخده الموضوع سبوبه و اهم حاجه عندي العيان او العيانه يكون مستريح نفسيا في التعامل معايا
صدقيني فيه دكاتره شغلها مش اد كده بس ليها اسلوب في التعامل مع العيانيين يريح العيان و فيه دكاتره شغلها كويس جدا بس تعاملها فظ مع العيانيين كل اللي بتمناه ان كل دكتور او دكتوره يتعامل مع العيان كأنه من اهله و يحسسه بالراحه النفسيه لان الراحه النفسيه عليها عامل كبير اوي في العلاج و اكيد طبعا الشغل لازم يكون تمام
الف سلامه عليكي و ربنا يوفقك دايما و ياريت تبقي تزوريني في مدونتي

غير معرف يقول...

ارجـــو ان دكتــور الاســنان يقــدر الدعاية اللي عملتيها له يا ياسمين و يخللى باله منك في الفاتورة

NOHA يقول...

ياسمين
مليون سلامة يا حبوبة
بهنيكى على اللقاء الشهرى و كان نفسى اكون معاكم
انتى تستحقى لقب ليدر المدونيين
ايه رايك فى الاقتراح دة يكون كل شهر اللقاء فى بلد عشلان كل الناس تقدر تحضر و لو مرة واحدة

غير معرف يقول...

************************
**** سلامتك ولن ازيد
**** عكيت وده مش جديد
**** سامحتينى طبعا اكيد
**** وانتى فاهمه ومش حاعيد
************************

أسوور يقول...

خواطر مثلية

اهلا بالدكتورة العظيمة اللى برضه مش بتتعامل مع الطب على انه تجارة

ربنا يديكى الخير زى ما انتى بتحسى بالآخرين كدة

وطبعا هأزورك حالا

أسوور يقول...

رسمة

هههههههههههههههههههه

ضحكتينى بجد يا سكرة .. بس مش عاوزاكى تقلقى من الموضوع دة

أسوور يقول...

نهى

الله يبارك فيكى يا سكر
وشكرا للقب

وما عنديش مانع من موضوع ان اللقاء يروح محافظات تانية لكن لازم نتاكد أولا ان فى ناس هتحضر فعلا من المحافظات دى .. ولا ايه

أسوور يقول...

هارملس

ولا يهمك يا جميل حصل خير
وايه الزجل دة
فينك يا عم

قصاقيص يقول...

الف سلامة عليكي ياياسمين
وميرسي جدا لدكتور محمد رمضان .ويارب يبقي من اشهر اطباء جراحة الفم لان اّميته قبل مهارته يخلوه يستحقها
ويارب تكوني تمام دلوقت والوجع راح

Unknown يقول...

الف سلامه ليكى يا ياسمين

انا عارف ومجرب قد ايه وجع الاسنان مؤلم جداً و عايز اقولك كمان ان الى عايز يحضر ماجستير فى طب الاسنان مش هيلاقى احسن من بقى ( حنكى يعنى ) علشان يحضر منه

و يا ريت تبقى توصيفيلى بالظبط مكان الدكتور محمد رمضان علشان ابقى اروح اجربه على مسئوليتك

تحياتى و الف سلامه

أسوور يقول...

قصاقيص

شكرا بجدا للإهتمام
هو فعلا يستحق التقدير
وانا فعلا اتحسنت بصورة لم أتوقعها والحمد لله هأفك السلك يوم السبت

أسوور يقول...

why me

العيادة فى مكرم عبيد ولو عاوز أبقى اروح معاك لكن أنا مش عارفة العنوان بالظبط .. انا عارفاه بالشبه كدة

بس نبقى نظبط معاد الأول وبجد هترتاح نفسيا جدا مع الأطباء هناك سواء مع دكتور أحمد الروبى أو دكتور محمد رمضان أو حتى الدكتور محمد الروينى وهم الثلاثة أطباء فى المركز دة
رقم التليفون الخاص بالمركز
2724195

micheal يقول...

ألف ألف سلامة عليكي يا ياسمين...و الله مش عارف أقولك اية بس...قلبتي علي الواحد المواجع...هههه...أصلي عندي خبرات طويلة و مؤلمة في موضوع دكاترة السنان من أيام اعدادي لدرجة اني بقيت عارف وظيفة معظم الاجهزة الطبية عند دكاترة السنان لان تقريبا معظمها اتجرب فيا
علي العموم يا ياسمين أنا استقريت علي المدونة دي حكمل فيها كتابة عندك عشان لو عايزة تصلحي اللينك اللي عندك و أنا علي العموم حططيت كل اللينكات بتاعتكوا عندي..دة المدونة اللي بكلمك منها دلوقتي
http:// strugglingmichealitoo.blogspot.com

دوللي يقول...

الف سلامه
انا حبيت قوي كلامك عن علاقه الصداقه التي نشأت بينك وبين الدكتور لأن الموضوع ده يهمني كمريضه و كدكتوره كمان وخصوصا ان مجالي (العلاج الطبيعي) العلاج فيه ساعات بيستمر لسنين فأكيد الصداقه والموده لها عامل كبير في العلاج لا يمكن الاستهانه بها 0
وانا احييكي علي مدونتك

قاسم أفندي يقول...

حمد الله علي سلامتك

أسوور يقول...

مايكل

الله يسلمك يا صديقى مايكل والله يكون فى عونك فى تجاربك المؤلمة عند دكاترة الأسنان

أنا دخلت مدونتك وسبت تعليق

غير معرف يقول...

سلامتك الف سلامة ياستى

والدكتور ماعلقش على السجاير والدخان؟

;)

حوريه يقول...

عزيزتى ياسمين
ألف سلامة عليكى يا سكره و شكرا للطبيب الانسان ..
رغم انى بينى و بينك بخاف مووووت من الدكاترة خصوصا دكاترة الاسنان
حقيقة انتى بطلة عشان استحملتى كل ده
و على فكرة الاستاذ / حسن محمود عنده حق فى موضوع التدخين ده
انا كنت بدخن و اسنانى كانت دايما تعبانه اول ما بطلت تدخين سنانى ارتاحت خالص و الحمد لله
يالله عقبالك .. و سلامتك

سهر الليالى يقول...

الف سلامه يا قمر
انا وصحابى تحت امرك احنا نطول نخدم ياسمين القمر
ربنا يخلينا لبعض والمثلث يفضل كامل الاضلاع
:))

أسوور يقول...

دوللى

اهلا بيكى يا دكتورة دوللى وربنا معاكى وانتى بتقومى بواجبك

فعلا هى علاقة الصداقة مهمة فعلا وخصوصا فى مجال تخصصك اللى ممكن العلاج يستمر فيه لمدة طويلة

micheal يقول...

أنا عملت بوست عن لقائنا عندي في المدونة لو تحبي تشوفيه
تحياتي لكي

عين ضيقة يقول...

عموما حمدلله بالسلامة ياقمر

micheal يقول...

ياسمين..أرجو منكي مساعدتي في موضوع ما..المدونة اللي انا بكلمك منها عملت فيها بوست عن لقائنا الجميل يبدو أن فيها مشكله ما متعلقه بالsettings
كلمة
comment دة لاني لقيت مفيش
و دة معناة أن اللي حيقرا البوست مش حيعرف يحط كومنت..أنا بجد مش عارف دة حصل ازاي بس يا ريت لو فعلا تقدري تساعديني لاني متضايق جدا
تحياتي لك

أسوور يقول...

حسن محمود

لأ ما علقش دى أمور شخصية وهو مش دكتور قلب

أسوور يقول...

قاسم أفندى

الله يسلمك وشكرا لإهتمامك وعاوزينك فى اللقاء الجاى

أسوور يقول...

حورية

شكرا ياحبيبة قلبى يا سكرة

والله أنا نفسى ابطل فعلا وربنا يساعدنى

أسوور يقول...

أمانى

حبيبة قلبى .. طبعا المثلث هيفضل مهما بعدت المسافات

وانتى على فكرة نقطة مهمة فى تلاقى اضلاع المثلث

يا رب المثلث يرجع يصغر تانى بقى زى زمان

أسوور يقول...

مايكل

ماشى رايحة أشوفه حالا

أسوور يقول...

عين ضيقة

الله يسلمك يا سكر

أسوور يقول...

مايكل

حاضر معلش اتاخرت فى الرد عليك

micheal يقول...

ياسمين..يبدو أن المشكلة اللي عندي اتحلت..بس برضة جربي تسيبلي كومنت علي اخر بوست عندي عشان اتأكد حيبان عندي و لا لأ
متشكر مقدما يا ياسمين و اسف علي الازعاج
تحياتي لكي

أسوور يقول...

مايكل

تدخل على بوست كومنت
وبعدين على الكومنت ثم تتاكد انه
show not hide

raspoutine يقول...

عشان تحرمى تكلى جلاس وتسرقى كل قلوب الناس
الف سلامه عليكى وان شاء الله هتبقى تمام ولا سفن ولا حتى كوكاكولا

ايمن

Hannoda يقول...

ألف سلامة لياسمين
وانشاء الله يكون آخر ضرس في اللولي..

:))

طبعا ما فاتكيش انك تلفتي النظر لدكاترة شباب محتاجين الثقة و معرفة الناس بيهم و ده اللي اتعودته منك وسبب أساسي فاعجابي بمدونتك

تشجيعك للناس حاجة جامده على فكرة

يعني أنا اتعرفت على شادي فايد من خلالك و استفدت كتير لإنه مدون راقي

وراسبوتين كذلك

وأنا نفسي كنت ناوية أقفل البلوج لو ما قدرتش أشدك بالرد على البوستس بتاعتي

أحييك فعلا

قاسم أفندي يقول...

ياريت تشرفيني بزيارتك ضروري
http://kassemafandi.blogspot.com/

أسوور يقول...

راسبوتين

الله يسلمك
:))))

أسوور يقول...

هنودة

دى ثقة كبيرة منك حملتنى مسئولية أكبر

وأنا رايحة حالا أزورك وأوعى تفكرى انك تقفلى البلوج ابدا

البلوج دة زى ما يكون لسان الواحد ولما يقطعه هيستفيد ايه

تحياتى لهنودة الجميلة

أسوور يقول...

قاسم افندى

جاية لك حالا

BinO يقول...

بعيداً عن موضوعك هذا لأني لم أقرأه بعد في واقع الأمر
ولكن عندي سؤال
لماذا تتجه معظم مواضيعك ناحية الجنس
بأي شكل كان
لماذا
رغم أن موضوع الجنس فطرياً موضوع يدعو للحياء
أعتي أنه لا يتحدث عنه في العلن بكل سهولة كما يحدث هذه الأيام و حتي لو فعل فهو يحدث بأقلام نساء
ملكات الحياء يتنازلن عن عرشهن من أجل الهواء

أسوور يقول...

بينو

المواضيع دى مواضيع حساسة والناس زى ما انت بتقول بتتكسف تتكلم فيها .. دة معناه ان فى خفايا كتير تخص المواضيع دى .. ودة اللى حمسنى انى أكتب عن حاجات الناس ما بتتكلمش فيها وعليها نوع من التعتيم

على فكرة لا حياء فى الدين ولا حياء فى العلم

أنا متخيلة ان فى كتير من الناس عندهم علامات استفهام عن المواضيع دى وانا مش شايفة اننا المفروض نستخبى ونكلم نفسنا عنها أو نناقشها مع زمايلنا فى المدرسة الثانوى اللى كل معلوماتهم مغلوطة اصلا

فى جهل شديد فى مجتمعنا عن مشاعر المراة الجنسية وانا بقدم حقائق ومشاعر فى الوقت نفسه

ولا الجنس فقط من حقوق الرجل فى المجتمع الشرقى وكانه يمارسه مع صنم وليس امرأة لها مفاهيمها ورغباتها

وايه الحياء فى انى اوصف مشاعرى باسلوب مهذب فى حين يجلس الرجال على القهاوى ويتحدثون بصوت عال عن مغامراتهم الجنسية

ارجو انى أكون وضحت وجهة نظرى وشكرا

BR!AN يقول...

هاي .. دي أول مرة أزور المدونة بتاعتك وأنا مبسوط اوي باللي قرأته .. كلامك جميل وطريقة تقديمك للحاجات من حوليكي حلوة اوي ..

بتمنى نكون اصحاب

elkamhawi يقول...

الف سلامة عليكى

أسوور يقول...

BR!AN

اهلا بيك وطبعا كل المدونين بالنسبة لى اصدقاء فكر

اشكرك

أسوور يقول...

القمحاوى

الله يسلمك من كل شر وسوء
وشكرا على اهتمامك وزيارتك وتعليقك

تحياتى

.:.-=- ELGaZaLy-=-.:. يقول...

يااااااه ياسمين ازيك يا بنتى...وكدة

الف سلامة شفاء و لباس طهور باذن الله..

للاسف انا مجربتش وجع الاسنان علشان اقدر افيدك بس نصيحتى..

تاخدى بالك منها لان وجعها صعب...

تحياتى يا ياسمين...

أسوور يقول...

الغزالى

شكرا يا غزالى .. انا خلاص عالجت اسنانى وعملت العملية

شكرا

Amr Ahmed يقول...

انا مش قلتلك تقدمي ماجستير

انتي بقيتي خبيرة في الطب

الف سلامة

أسوور يقول...

عمرو أحمد

فعلا ماهو فى ناس بتمارس الطب كمرضى برضه زى حالاتى كدة

:))))))

بيجاسوس المصرى يقول...

الف سلامة عليكى يا ياسمين

بس اربع ساعات وقت صغير خاااااااالص

و لسه ياما نشوف فى الزمان ده

انا عارف انى مقصر جدا بس بجد سامحونى لانى مكنتش فايق خالص و الحمد لله رجعت تانى علشان اغلس عليكم
بس هكون سعيد بيكم

Ahmad Hegab يقول...

عجبنى اوى تفصيلك فى حكاية الموضوع

و تحية للدكتور محمد رمضان الفار

انا كمان عايز اظبطام سنة عندى

أسوور يقول...

بيجاسوس المصرى

عود احمد يا باشا
وغلس براحتك لكن ما تغيبش كدة

أسوور يقول...

ahmEd_H

بالفعل هو طبيب ماهر
والمركز فى 38 شارع مكرم عبيد
مركز النيل للأسنان

Amira يقول...

يااااااااه

الف سلامه

اسوأ آلام آلام الأسنان

بحييكي انك وجهتي له تحيه خاصه
لأنه يستحق

لو كل الاطباء ياخدوا الطب من الناحيه الانسانيه
كانت الجنه اتملت دكاتره

:)

الف سلامه عليك يا جميل
و الحمد لله انك خلصتي
و ربنا ما يعيده وجع تاني

Unknown يقول...

سلامتك ياياسمينا, وان شاءالله حكام النظام مكانك (:
أشريره أنا مش كده؟
وتحيه للدكتور رمضان, والحمدلله انها عدت علي خير.

محض روح يقول...

الف سلامه عليكى ياجميل
وربنا يجعلها اخر الاوجاع
على فكره كنتى انتى السبب فى انى عملت المدونه بتعتى
والف حمدالله على السلامه تانى

Nohaz يقول...

1000 salama yasso

dr_lazeez يقول...

Alf salamaa 3alaky dah ana doktoor galbaaan mooot :) . aham haga 2enek kewayesa wezay el fool .
shokran 3ala el kalm el gameel dah ya yasmina basssss dah sho`3ly welazem 2a3mel 2a7san men keda kamaan . shokran lekool el comments deah .
Ya gama3a yasmin deah 2ensana (human) we hasasa mooot, we testahel teb2a sa3eda gedan geda :)
thank u all

raspoutine يقول...

يا سمين المفروض اننا ننزل البوست النهارده
وعايز اقولك اننا رحنا الاوبرا انا واستاذ حسنى سليمان وظبطنا مع اداره الكوفى اللى هنجتمع فيه اوكى وانا بقول نخليها الساعه اريعه بناء على طلب بعض المدونين والمدونات

الدبور يقول...

فكرة كويسه
بس سؤال رفيع هو اللقاء اللي جاي امتي يا ياسمين ؟
واخبار الهامش ايه ؟

أسوور يقول...

فريدة

الله يسلمك يا سكرة
ولأنه يستحق فقد كتبت البوست حتى يعرف الناس انه ما زال هناك طب نظيف بلا هدف تجارى

أسوور يقول...

اسراء

الله يسلمك وانتى جميلة مش شريرة

وأشكرك على تقديم التحية للدكتور رمضان فهو يستحق

أسوور يقول...

محض الروح

الله يسلمك ياسكر
أنا ذهبت الى مدونتك وأعجبتنى للغاية
ولكن لم استطع ان افهم سر أننى السبب فى أنك عنلتى المدونة

فى النهاية لو أنا السبب فعلا فأنا شعرت بالفخر لأنها مدونة ذات قيمة وتستحق الزيارة

أسوور يقول...

نهاز

الله يسلمك يا ست البنات

أسوور يقول...

dr_lazeez
دكتور محمد رمضان الفار

اشكرك جدا على التعليق اللطيف للغاية
دة انت طلعت مش بس دكتور كويس .. لأ .. انت كاتب كويس كمان

زرت مونتك ومش عارفة أقول ايه
قرأت ما فيها مرارا وتكرارا حتى دمعت عيناى

انت فعلا انسان قبل ما تكون دكتور وربنا يباركلك بجد فى كل تفعله ويحققلك كل ما تتمناه

أسوور يقول...

راسبوتين

ربنا يخليك لية انت والفنان الجميل حسنى سليمان
وهأتصل بيك قريبا

أسوور يقول...

الدبور

هتعرف من البوست اللى هاعمله التفاصيل

وهأكلمك عشان الهامش

كلبوزة لكن سمباتيك يقول...

عاملة اية دلوقتي؟
ان شاء الله يكون احسن
انا مش عايشة في مصر
بس لما انزل حروح معاكي عند دكتورك الشاطر
ده لو فضل الضرس مكانه
:))
--
تحياتي

أسوور يقول...

سمباتيك

هو انتى عايشة فين .. أول مرة اعرف انك مش عايشة هنا

لكن عموما انا والدكتور تحت أمرك فى أى وقت ولا تترددى ابدا وأنتى تطلبين منى أى شىء .. عارفة ليه؟؟

عشان أنا بحب الناس وبحب قوى ان حد يطلب منى حاجة ..

hamasat يقول...

ياسمينه الف سلامه عليكي
وحمدا الله علي سلامتك

أسوور يقول...

همسات

الله يسلمك يا ست البنات يا الى اسمك همسات
:)))))))))

The Eagles يقول...

الف حمدلله على سلامتك يا جميل
مش شايف غير صفين لولى
هههههههههههههه
اكيد دلوقتى بقوا لولى مش كدة
الحمد لله ان العملية خلصت بالسلامة
وطبعا
الف شكر لدكتور محمد رمضان الفار


والسلام..........

أسوور يقول...

The Eagles

شكرا لسؤالك يا قمر
والحمد لله كله تمام دلوقتى

raspoutine يقول...

بتشكرينى على ايه يا ياسمين
احنا بنعمل المفروض علينا
وانا شايف انه مفيش مجال للشكر ما بينا احنا مجموعه

ونزلى البوست يا ست هانم

الحمقاء المضلله innominate x يقول...

على فكره انا قريت تعليقك على مدونه شادي فايد حول الحب و استغربت جدا من جوزك اللي ميعرفش بتشربي النسكافيه بكام معلقه سكر.....مش قادره استوعب القصه خالص اكيد في حاجه غلط من الأول انتي تجاهليها اغايه ما وصلت لكده ربنا معاك ده كده الحياه جحيييييييييييييييييم

أسوور يقول...

innominatex

شكرا لإهتمامك
انتى قد ايه حساسة
بجد شكرا

admelmasry يقول...

الف حمدلله ع السلامة

أسوور يقول...

آدم المصرى

الله يسلمك وشكرا لإهتمامك

تحياتى

Tigress يقول...

ياه انا فاتنى حاجات كتيير اوى.. الواحد وسط مشاكله بينسى اصحابة مع ان مشاكلهم بتيبقى اكبر واسخن.. اولا سلامتك الف سلامة.. مهما قلت مش هاعرف اتأسف انى مسألتش عليكى المدة اللى فاتت.. سوف اخبرك عن الاحداث فىمكالمة اعتذار طويلة.. واسفة كمان انى فوت موعد اللقاء الشهرى.. معرفتش عنه خالص.. المرة الجاية
الف الف سلامة

ابن مرّ يقول...

بوست عن طب الاسنان فيه وصف جميييل! تعرفي
أول مرة أشوف الموضوع من الجانب الآخر بصراحة أصلي والحمد لله وربنا يديمها نعمة دايما بكون أنا الدكتور عموما سلامتك وبجد شرفت المهنة يا دكتور محمد

"على فكرة يا ياسمين البوست ده أكتر حاجة "ممكن تسعد أي طبيب

دكتور أسنان

أسوور يقول...

تايجرز

الله يسلمك يا قمر
هأستنى تليفونك

أسوور يقول...

ابن مر

أهلا بيك يا دكتور
أنا مبسوطة ان البوست عجب دكاترة كتير وانت طبعا منهم

ربنا يبارك لكل دكتور بيراعى ضميره أولا وقبل كل شىء

el2ahwagi يقول...

Yasmin

te3rafi enti gameela awi ...

ya3ni mosh mawdoo3 bloggers we bas ... enti ay insaan te7essi enno kwayis bet2ademeelo eedik ... aw te3meli 7aga 3erfanan be7aga kwayesa 3amalha ...

da elli tele3t beeh men el post .. insaneyetik .. !!

la2 7aga kaman .. enti doctoora ..?? lool walla ,em kotr el laf 3al3eyadaat ...

elmohem alf salama .. !

أسوور يقول...

القهوجى

كلامك عنى أخجل تواضعى بجد

أنا بحب الناس قوى وبحس ان كل انسان يستحق انك تقوى جواه السلوك الكويس عشان يستمر عليه

هى دى كل الحكاية .. واشكرك بجد على كلامك اللطيف دة .. انت اللى انسان جميل بجد

وموضوع انتى دكتورة دة ناس كتير بتسألنى
كل الحكاية انى بحب اقرا عن الطب جدا واصبح عندى حصيلة معلومات كويسة والحمد لله دة غير ان لية اصحاب كاترة كتير ولما بنتكلم بتزيد معلوماتى

اشكرك

Radwa يقول...

دا ماكنش درس لا ضرس مالوش لازمه اصلا ما كنتى شلتيه من الاول وريحتى ولا يلا رزق ناس فى تعب اسنان ناس تانيه

Radwa يقول...

وعلى العموم الف مليون سلامه عليك يا قمر و يسلم اللى كان شفائك على ايده

Yasser Hussein يقول...

سلامتك ألف سلامة
بس كان نفسي أول مرة أقرأ لك موضوع وأزور مدونتك كنت أقرأ موضوع مش مؤلم كده خصوصاً أنك وصفتي الاحداث بدقة وفي نفس الوقت كنت أنا راجع من عند دكتور الاسنان وحشيت 4 ضروس دفعة واحدة بس الحمد لله لحقتهم في اولهم
دعوة مفتوحة ليكي وللجميع لزيارة مدونتي
CARTOONYA
تحياتي

MAKSOFA يقول...

سلامه الياسمين الناعم الرقيق من الألم

أسوور يقول...

سندريلا

شكرا يا جميلة على التعليق

بس انا مش بالساهل كدة أشيل حتة منى

والدكتور الشاطر هو اللى يحافظ على أسنانك الأصلية ما فيش اسهل من الخلع
ولو كنت خلعته ما كنتش هأعرف أركب بريدج لأنه آخر ضرس

أسوور يقول...

ياسر حسين

اشكرك على اهتمامك ومعلش جت فيك بقى

:)))))

أسوور يقول...

مكسوفة

انتى أخيرا هنا عندى
مش مصدقة نفسى اصلا

لازم تعرفى انك من المدونات العظيمات بالنسبة لى بجراتك وموضوعاتك الشائكة جدا التى تشبه عش الدبابير

اشكرك لزيارتى يا سيدتى الجريئة

الحصان الأسود يقول...

حمد لله على السلامة ياياسمين

معلش انا كنت مشغول الايام اللي فاتت ومش متابع ومادخلتش عندك من فترة

تحياتي

أسوور يقول...

ولا يهمك يا باشا

لعل المانع خير

وشكرا لإهتمامك

FATMA يقول...

حمد الله على السلامة

Eric Matt يقول...


أه يا سناني

الحمدلله من وانا في 6 ابتدائي ملعبتش في سناني تاني ولا حخلي حد يمد ايده عليها ان شاء الله

حمدلله على السلامة بس في حاجة مهمة أن ربنا هو الشافي يا ياسمين

خدي بالك من نفسك

سلاااام

غير معرف يقول...

إزاى فاتنى البوست الجامد ده !!!ا

شكرا يا سا الخير على توجيعى

لأنى و أنا بقرأ سنانى بدأت توجعنى من المعانة الكانت عندك


أخبارها إيه ؟؟ أظن فترة طويلة عدت



...............

سلامتكولو متاخر يا ستى
;)