السبت، 3 مارس، 2007

اللقاء القادم

موعدنا فى دار الاوبرا
كوفى شوب الابداع - بجوار مسرح الهناجر
يوم الجمعة القادم الموافق
9/3/2007
فى تمام الساعة السادسة مساءا
كلمة السر .. بلوجرز
:))))
الدخول من البوابه الخلفيه لدار الأوبرا أمام النادى الاهلى ثم تتجه لمسرح الهناجر
بعد الهناجر نجد دار الابداع الفنى
الكافيه بجوار مركز الابداع

هناك 181 تعليقًا:

raspoutine يقول...

انتى غيرتى كلمة السر يا ياسمين
مش كانت بلوج واحنا نرد ونقول سبوت

ماااااا علينا ماشى


احسن من سبوت برضو
سبوت ونولت ههههه

harmless يقول...

ياسمين استحملينى
لدى رأى

ارى ان بذرة تكوين مجتمع متجانس قد تكونت

كل اجتماع يزيد عدد الحاضرين
ويتم التعارف
ويتم التطابق بين الشخصيات الافتراضيه والشخصيات الحقيقية
ثم دردشات عامه
غالبا بين مجموعات صغيرة

ثم ماذا؟
ما رأيك ان يستمر الوضع على ماهو عليه حتى يصل العدد الى رقم معين
خمسون شخص مثلا

ثم يكون لكل اجتماع بعد ذلك قضيه للمناقشه
واعداد
ومتحدث
وضيوف
واسئله واجابات

ثم ما رايك ان تنشئوا مدونه عامه
يشرف على تحريرها 4 او 5 من مشاهير مجتمعكم الوليد

وما رايك ان تضيفوا للاجتماعات الحقيقيه اجتماعات على النت

انشاء غرفه على البال توك مثلا
وتحديد موعد اسبوعى للقاء

وعندما يكبر حجم المجتمع سيسمح بالتاكيد لتبادل المناقع الاجتماعيه والخبرات الحياتيه

وربما يكبر اكثر فيكون له دور خيرى او نشاط اجتماعى

او يكبر اكثر واكثر فيكون له تأُثير على تكوين الراى العام

حد عارف؟

Amr Ahmed يقول...

ان شاء الله

بس ياريت توضحي المكان بالظبط للي مايعرفش يا ياسمين

هي كافتيريا الابداع ولا غيرها

تحياتي

Majed Jarrar يقول...


وعندما يكبر حجم المجتمع سيسمح بالتاكيد لتبادل المناقع الاجتماعيه والخبرات الحياتيه

وربما يكبر اكثر فيكون له دور خيرى او نشاط اجتماعى

او يكبر اكثر واكثر فيكون له تأُثير على تكوين الراى العام



أو يكبر أكثر وأكثر ويجي الأمن ويئفشنا كلنا
:)


هوة كافيريا الأوبرا ليها علاقة بالأوبرا نفسها؟
والا تشابه أسماء بس؟

أصل أنا ساكن في شارع المرعشلي، على بعد 8 دقائق مشي من الأوبرا، ف يعني ستكون لفتة لطيفة جدا من حضراتكم أن وفرتوا علية تزكرة الأوتوبيس

طب أنا من المعازيم برضو؟

ألبس وردة حمرا

Nohaz يقول...

زعلانة منك فضلت اكلمك علي المسنجر و انت مترديش

Nohaz يقول...

يا ريت تناقشوا اقتراحي للجراج سيل

الدبور يقول...

انا معاكم ان شاء الله
عاوز زفه حصنه و انا جاي و فرقه اوبرا تغني ليا بالاحضان بالاحضان مع موسيقي عسكريه ومارشات

Nohaz يقول...

يا دبور و هنجيب لك فرقة حسب الله

smraa alnil يقول...

ياسمين يوم الجمعه القادم هيوافق يوم 9 مش 16
حددي بالظبط
بالاضافة ان كافتريات الاوبرا تقريبا في اكتر من واحدة
خلي ايمن يحدد اسم الكافتيرا اللي اتفقنا عليها

micheal يقول...

أنا جاااااااااي.....بس حاولي توضحي العنوان أكتر يا ياسو
تحياتي

.:.-=- ELGaZaLy-=-.:. يقول...

كدة ممتاز وبدرى ان شاء الله الواحد يقدر يكون موجود

Gid-Do - جدو يقول...

ياسمين

انا حكون بعيد لكن قلبى معاكم ـ اقترح ان كل واحد من الحضور يحط ـ استيكر وعلية اسم مدونتة ـ ويلصقة على صدرة عند بداية الاجتماع وبكدة يتوفر للناس انها تعرف بعضها من غير السؤال كل مرة ـ انت مين ـ خاصة ان من الصعب ان الواحد يفتكر كل الموجودين ـ تحياتى

el2ahwagi يقول...

rabena yekhaleeki lel bloggers ...

ana kont haseeeb comment (met2akhara ma3lesh) fel post betaa3 akher leqa2 bas la2eet el gedeed aho ...

tab3an ana tabe3t el posts kolaha 3an el leqa2 el akheer 3and el modaweneen elli 7adaro wetkalemo 3anno ...

begad 7aga gameela gedan weyerga3lik feeha el fadl elakbar enti w engi ...

roo7kom 7elwa awi ... welsewar hayla khaletni ashoof modaweneen keteer .. welkalam fel posts khalani almas 7agat keteer 3an modaweneen keteer bardo ...

rabena yekhaleeki leehom weykhaleekom leba3d ...

Mohamed A. Ghaffar يقول...

من الحضور بإذن الله

الجمعه الموافق التاسع من مارس الساعه الساسة

بس كافتريا الأوبرا دى فين

مصر هى أمى يقول...

انا جاى
ان شاء الله

halwasa-masrya يقول...

وانا جاية ان شاء الله .. بس وضحى العنوان يا ياسمين عشان انا فى التوهان اصلا

ياسمين يقول...

راسبوتين
عاوزة أعرف مكان الكافيه بالظبط وكمان اسمها ايه
لا أنا ولا الناس عارفين عن المكان الا انه فى دار الأوبرا المصرية

ياسمين يقول...

هارملس

كلها اقتراحات جميلة وانشاء الله تخرج لحيز التنفيذ
وشكرا جدا لإهتمامك
بس انت ليه مش فاتح التعليقات فى مدونتك

ياسمين يقول...

عمرو أحمد

راسبوتين هو اللى عارف المكان
ولما أعرف هقولك

ياسمين يقول...

ماجد

شكرا على حماسك الجميل
والكافيه فى دار الأوبرا مش ميدان الأوبرا

وهأستناك

ياسمين يقول...

نوهاز

معلش يا نهاز انتى برضه لازم تعرفى نفسك أول ما تكلمينى على الماسنجر لأنى مش بحب أكلم حد غريب على الماسنجر

موضوع الجراج سيل دة جميل لكنه محتاج وقت وتنظيم ومكان لإقامته
وكمان مدعوين حتى ينجح

ونبقى نناقش التفاصيل مع بعض ويا ريت اشوفك يوم اللقاء لأن المشاركة النسائية مازالت ضعيفة

ياسمين يقول...

سمراء النيل

شكرا انك لفتى نظرى للمعاد وانا بالفعل قمت بتصليحه فى البوست

لما ايمن يقولى هقولك وممكن نتقابل فى مكان محدد الأول لأنى ابيض قوى فى موضوع الاوبرا دة وما بأروحش خالص اساسا

ياسمين يقول...

مايكل

طبعا جاى .. هى دى فيها كلام .. هو اللقاء ينفع من غير الناس الجمال جدا اللى زيك برضه؟؟

هأوضح المكان لما أعرفه أنا شخصيا
:)))

ياسمين يقول...

الغزالى

الحمد لله انك هتيجى
لأ دة انت لازم تيجى وتبقى واحد مننا لأنى فعلا نفسى أشوفك جدا جدا

ياسمين يقول...

الدبور

محضرين الزفة يا باشا وكل اللى تأمر بيه

ياسمين يقول...

جدو

كان نفسنا تكون معانا لكن هنكتفى بقلبك .. ليه لعل المانع خير

اقتراحك جميل وهنفكر فيه

ياسمين يقول...

القهوجى

شكرا على شعورك الجميل دة

بس ليه انت مش معانا؟؟

ياسمين يقول...

محمد عبد الغفار

والله واحشنى جدا جدا
ما تزوغش بقى زى المرة اللى فاتت .. هاستناك

انت من المؤسسين اصلا ولازم تكون موجود معانا على طول

أما المكان فأنا هأسال الناس اللى اقترحوه واقولك

ياسمين يقول...

مصر هى أمى

مستنياك ومستنيينك كلنا

ياسمين يقول...

هلوسة مصرية

تشرفى وتنورى يا سكرة

أنا كمان فى التوهان زيك بالظبط
وهاسأل واقولكم

7ntklm يقول...

انا راى من راى هارملس ودا الكنت بفكر فيه بعلمى بـ الاجتماع السابق اتمنى الموافقة على الفكرة.

وبعد اعلان عنوان المكان الذى سيجمعنا ارجو ابلاغى

لان ادركت الاجتماع القادم من خلال مشاركة الزميل ( مصر هى امى )

بمدونة جبهة التهيس الشعبية

Hannoda يقول...

كل لقاء و إنتوا طيبين و أنا في انتظار النتائج

ياسمين يقول...

حانتكلم

هى فعلا اقتراحات جميلة من هارملس

ونرجو مشاركتك معانا

ياسمين يقول...

هنودة

وانتى طيبة بس كان نفسنا تشاركى معانا

أغلو يقول...

اللقاء ذه بتاع من؟؟؟؟؟؟ ممكن أحضر ولا لا؟؟؟؟؟؟؟؟

ياسمين يقول...

أغلو

اللقاء دة بتاعنا كلنا وممكن تحضر سعادتك تشرفنا

The Alien يقول...

وحشتوني من المرة اللي فاتت
وأتمني كل الناس تيجي

أنا بحب اﻷوبرا وبحب المكان هناك
بس أنا حاسس إن كافيتريا الإبداع أو الهناجر ف اﻷوبرا مش هتبقي مناسبة
ﻷن العدد شكله هيزيد
وممكن تروحي تعايني المكان يا ياسمين اﻷول

تحياتي

ياسمين يقول...

The Alien

أيمن راح هو والفنان حسنى سليمان

وعموما آدينا هنجرب

ولو ما طلعش مناسب نغيره المرة الجاية

raspoutine يقول...
أزال المؤلف هذا التعليق.
مجهول يقول...

يعني كده الدعوه عامه و لا ايه؟
يعني ممكن اشوفكوا
يا سلام يا ولاد
ايه الجمال ده ؟
ياتري بجد الدعوه عامه ؟

ياسمين يقول...

مجهول

تخيل بقى انك ممكن تشوفنا ونشوفك
وان الدعوة عامة فعلا

هنتشرف بيك بجد

حوريه يقول...

ياسمبن
بدعى ربنا اقدر اكون معاكم
حقيقى انا نفسى اشوفك و اشوفكم كلكم
عجبتنى اقتراحات هارملس
بالخطوات التى يحددها سيكون هناك تاثير على الراى العام و انشطة اجتماعية و تبادل خبرات
انا معاكم انشاء الله

حوريه يقول...

ياسمين
فين الاميرة اوسا و نوران ؟
يارب يكونوا بخير

35L يقول...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

Sampateek يقول...

جميل جدا
ربنا يوفقكم
طيب ما تيوا تعملوا ميتنج عندنا في جدة؟
ايه رايكم

محمد ياسر يقول...

كافتيريا مركز الابداع ببساطة اوى تدخل من مدخل الاوبرا اللى ناحية كوبرى قصر النيل و تمشى على طول لحد ما هتلاقى بوابة تانية جوه هتعديها برضه وتكمل مشى على طول لحد ما تلاقى نهاية الطريق كافتيريا هى دى كافتيريا مركز الابداع و اى حد هيدخل بس جوه الاوبرا و هيقول كافتيريا مركز الابداع اى حد هيقوله عليها

بالنسبة للتجمع والاعداد الكبيرة متقلقوش لو العدد زاد لان فى جماعة ادبية بتتجمع فى الكافتريا دى يوم فى الاسبوع و بياخدوا مكان كبير من الكافتيريا وتجمع
عادى يعنى هتنفع

يا رب انا اجى بقى حرام راح منى مرتين لازم اتصرف باذن الله و اجى

ياسمين يقول...

حورية

انا كمان نفسى اشوفك فعلا وأكيد كتير من المدونين نفسهم يشوفوكى برضه

اقتراحات هارملس دايما رائعة وسوف نناقشها فى اللقاء

ياسمين يقول...

351

هأروح حالا واقولك رايى

ياسمين يقول...

سمباتيك

يا ريت يا سمباتيك
يا ريت كان ينفع عشان تبقى معانا

ياسمين يقول...

محمد ياسر

دى وصفة سهلى قوى قوى دى وصفة هايلة قوى قوى

بس ما قلتليش هو الدخول بالعربية مسموح ولا لأ ومن أنهى باب بالظبط

يار يت تبقى معانا خاصة انه يوم الجمعة وأكيد عندك أجازة

hosnysoliman يقول...

الاخوة والاخوات السابق حضورهم واللاحقين بهم من بعدهم ..والكلام ده بعد اذن الزعيمة ياسمين ..انا رحت الكافتريا وهى فى داخل الاوبرا واى حد يخش الاوبرا من اى نا حيه يسال فين كافتريا مركز الابداع وانا روحت يوم الجمعة اللى فاتت مع ايمن رسبوتين واتفقنا معاهم وقالوا ما يهمكوش العدد..وكمان اسعر الطلبات كويسة ارخص حاجة ب 2.5 جينه واغلى حاجة من 5 الى 7 جينيه ومكنن على النوته لليحب وكمان ممكن نجيب طاوله ولا كوتشينه وبقى اللعب على المشاريب
ونامل ان يكون العدد اضعاف ما كان عليه فى اللقاء الثانى

ياسمين يقول...

حسنى سليمان

اشكرك على الإضافة فعلا

أكيد ناس كتير هتحب انها تاخد معلومات أكتر عن المكان

شكرا

محمد ياسر يقول...

الدخول بالعربية من عند بوابة اللى ناحية النادى الاهلى بقى و هتدخلى منها على الباركينج و الباركينج ادام الكافيتريا برضه بس هو الدخول للعربية بفلوس ب3 جنيه تقريبا مش فاكر

MoHaMeD HoSSaM يقول...

شكرا ليكى على اللقاءات الجميلة دى فعلا انا كان نفسى احضر لقاء للمدونين حتى تبقى فرصة نتناقش فى الافكار الى بتتطرح عن التدوين ونفكر ممكن نعمل اى عن طريق مدونتنا

el2ahwagi يقول...

yasmin ...

mosh ma3akom le2ani mosh fi Masr ...!!

ma3akom beroo7i akeed .. !!

إبـراهيم ... معـايــا يقول...

هوا القادم دي يعني الجااااي ؟؟؟!!


بالسرعة دي ....طيب !!!


هوا أنا منكن أقول لكم خليه من 4 مـثلاً !! ، أعتقد هيكون أفضل لو من بدري شويتين ، أنا عارف المكان ده كويس .
.
. جـــدًا
وإن شاء الله أكون معاااااكم

بس الحقوا بلغوا البشر خلال الأبسوع ده

tamer يقول...

انا اعرف دار الاوبرا

ياريت ياسمين تتاكدى وتعرفى لينا اسم الكافى شوب دة

تحياتى

محمد صلاح العزب يقول...

مدونتك أكثر من رائعة
لازم تزوريني باستمرار
وأحييكي على نشاطك الهايل

ياسمين يقول...

محمد ياسر

شكرا لتوجيهاتك عن الدخول الى الكافيتريا

وهأستنى انك تنضم للمجموعة انشاء الله

تحياتى

ياسمين يقول...

محمد حسام

أنا اللى باشكرك على كلامك الداعم لنا
وأرجو مشاركتك
تحياتى

ياسمين يقول...

القهوجى

يا خسارة انك مش فى مصر
شكرا لدعمك وتحمسك للفكرة رغم سفرك

ياسمين يقول...

ابراهيم معايا

طبعا انت جاى ولو ما جتش أكيد ابراهيم هييجى

أو اقولك تعالى وهاته معاك
:))))

هاستناك تضفى على اللقاء البهجة بخفة دمك المعهودة

ياسمين يقول...

تامر

كله متظبط يا باشا ومش ناقص غير انك تكون معانا ونشوفك

كافيتريا الإبداع وانا كاتبة فى البوست التفاصيل

تحياتى

ياسمين يقول...

محمد صلاح العزب

اشكرك وهأروح حالا على مدونتك
أرجو مشاركتك معانا فى اللقاء

تحياتى

karakib يقول...

معاكم ان شاء الله

7ntklm يقول...

هستاذان من شغلى وراح اكون معاكم فى الميعاد

واشكرك على دعوتك ياسمين

ياسمين يقول...

كراكيب

انت تنور معانا واهلا بيك واحد من المدونين الكبار

شكرا

ياسمين يقول...

هنتكلم

اشكرك على قبول الدعوة
ومشاركتك هتخللى للقاء طعم جديد

كلمه يقول...

sabaaaaaaaaaaaaa7 elfol ya ged3an :D
tyb isa hakon mawgood :D
shokran 3la elda3wa ya yasmin :))

ياسمين يقول...

كلمة

انت لازم تبقى موجود ودى ما فيهاش فصال ولو ما جتش هنبعت حد يخطفك

amira يقول...

ياسمين

مساء الخير
أقولك على حاجة وما تضحكيش ؟
امبارح عرفت موضوع اللقاء ده
وكنت عايزة أعلق وأسألك اذا كان أي حد ممكن ييجي ولاّ ناس معينة بس
لكن اتكسفت
......
الباقي انتي عارفاه
سبحان الله
........
المهم أنا بس عايزة أتأكد من المكان
كافيتريا مركز الابداع دي غير كافيتيريا المجلس الأعلى للثقافة ولاّ هيه ؟
......
تحيات وتشكرات

ياسمين يقول...

اميرة

انتى تنورينا وتشرفى طبعا
والعنوان فى دار الأوبرا المصرية كافيتريا ابداع زى ما مكتوب فى البوست

الدبور يقول...

all the bloggers waitin ur attendance yasmine

The Eagles يقول...

بقى بالزمة بشتاكب الجمعية مش يحضر
طب مين ياخد الغياااااااااااااااب
هههههههههه
لا ان شاء الله هاجى
ومش نسيهالك اننا مااتقابلناش قبل الاجتماع عشان نحضر للمفاجات
هههههههههه
على فكرة انا اعرف انه اسمه مركز الابداع الفنى
مش عارف انتو جيبتوا الاسم دة منين
ههههههههههههههه
انا شاء الله الاجتماع تلاقيه اضعاف الاضعاف


والسلام..........

frozen love يقول...

متشكر قوي يا ياسمين انك افتكرتيني بالدعوة...انا كنت مشغول قوي الفترة اللي فاتت دي عشان كده ماكنتش عارف ارد على التعليقات ولا اعمل تدوينات


انا ان شاء الله هاجي بس مش هعرف من 4 عشان عندي كورس...هتاخر شوية لكن ان شاء الله هاجي...اتمنى يبقى يوم احلى من اللي الفات كمان


تحياتي

safa7_karmooz يقول...

طب بيتهيقلى الدعوة عامة...صح ولا تؤ؟؟؟

طب لو صح...ازاى ااوصل للكافتيريا دى ...من عن
محطة مترو الاوبرا ؟؟؟؟

frozen love يقول...

الميعاد طلع 6 وانا اللي مسطول فاكره من 4 زي زمان...كده ان شاء الله هحاول اجي في الميعاد

دائما لمانا كده يا ياسمين ان شاء الله

ست المرتفعات يقول...

هو لازم الحضور لمدونين بلوج سبوت بس

طيب..اتمنى انى اعرف احضر..لو كان ممكن

انا عارفه الكافية لانى فى الجماعة الادبية..اللى قال عليها محمد ياسر

لو هينفع اجى قولولى..انا متابعه لقاءاتكم الى فاتت..ونفسى اشوف ناس كتير واتكلم معاهم خصوصا انى متابعه مدونات كايرة من الحضور

كل تحياتى

ست المرتفعات

بنت مصرية يقول...

الله
انتو وقعتوا على كافية المجلس الاعلى - وفى قول اخر الابداع - هايل دا مكانى المفضل على فكرة
:))))

dr_lazeez يقول...

Ana mabsooot moooot bel sho`3l el gamed dah :) enty fe3lan 3amalty thawra fe 3alam el blog :)...
Ana kan nefsy 2agy bass enty 3arfa zorofy .
Ha ha7gezlek el ka3a el shahr ely gay ( ana shayef keda ).

.................................
take care sweety

ام العيال يقول...

nice ,i wish i can come
i will do my best
:)

ياسمين يقول...

الدبور

أنا موجودة على طول وما ياخدنيش من المدونات غير الشديد القوى
معلش
اشكرك

ياسمين يقول...

The Eagles

طبعا بشتاكب الجمعية هيكون أول الحضور
أمال ايه

معلش على ان المعاد بتاعنا باظ بس أنا وسمرا كان عندنا كذا حاجة كدة ملخبطة

ياسمين يقول...

frozen love

هنستناك طبعا وكنت واثقة انك لا يمكن هتخذلنا

متشوقة جدا للقاء الجميل

ياسمين يقول...

سفاح قرموط

احنا فعلا ناقصنا فى المجموعة بتاعتنا مهنة السفاح ودى مهنة مش سهلة خالص
:)))))
بصراحة أنا مش عارفة موضوع المترو دة لكن هاسأل واقولك

ياسمين يقول...

ست المرتفعات

أكيد ممكن تشاركى معانا .. لأ دة احنا بنرجوكى الحضور .. فى قراء حضروا معانا اللقاء اللى فات بالفعل

هاستناكى تنورى اللقاء
تحياتى

ياسمين يقول...

بنت مصرية

طب كويس انتى عارفة المكان وكمان بتحبيه
يعنى هنشوفك أخيرا يا أحلى بنت مصرية
هاستناكى
تحياتى

ياسمين يقول...

dr_lazeez mooooooooooot

شكرا على دعمك الدائم لية
كلمات التشجيع اللى انت عارف قد ايه محتاجة لها عمرك ما بخلت بيها علية

شكرا يا دكتور ويا رب النبوءة تتحقق ونبقى محتاجين لقاعة المرة الجاية

تحياتى

ياسمين يقول...

أم العيال

طبعا لازم تيجى ويا ريت تجيبى العيال معاكى وأنا أجيب العيال برضه وأهم يلعبوا مع بعض

:)))))

حاولى تيجى
نفسى اشوفك قوى بجد

copa يقول...

يارتني كنت اقدر ااجي بس اليوم ده عندي امتحان مستني تحكولي بقي علي الي حصل و حلو البلوج بتاعيك ماشاء الله

whyme يقول...

معلش يا ياسمسن اتاخرت عليكى فى الرد لانى كنت مشغول جداص فى الشغل

بس اكيد طبعلً انشاء الله هاجى مع انى شايف ان المعاد بدرى اوى

و كنت برجح اننا نخليه اول الشهر الجاى و نطنش شهر مارس

بس مدام الزعيمه حددت يبقى ماشى الكلام لانكم بجد كلكم وحشتووووووووووونى جداً

و كمان انا عايز اشووف بنت مصريه لانى عرفت طريق التدوين عن طريقهااااااااااااااااااا

و كمان انا شايف المره دى التحمس اكتر و الناس كلها نفسها تتيجى
و كمان بشكر استاذ محسن و راسبوتين على اهتمامهم بتحديد المكان

تحياتى ليكى يا ياسمين يا صاحبه الحلم الجميل

ياسمين يقول...

كوبا

كان نفسى تبقى معانا
بس امتحان ايه دة يوم الجمعة
عموما حظنا وحش

تحياتى

ياسمين يقول...

whyme

معلش أنا حددت المعاد كدة بناء على طلب ناس كتير

الحلم الجميل دة تخول لواقع بيكم انتم ولولا حماسك انت والزملاء كان فضل حلم وبس

هاستناك لأنك برضه وحشتنا كلنا
تحياتى

www.blogs4arab.com يقول...

يسعدنا تشريفك
www.blogs4arab.com

محمد ياسر يقول...

ياسمين كنت عايز نعلن عن اللقاء فى جروب المدونين ده
http://groups.google.com/group/bloggers-eg

ايه رأيك تدخلى فيه و تعلنى عنه ولا تحبى ادخل اقولهم انا و اقولهم على مدونتك و على الموضوع

مزمز يقول...

وقع للتضامن مع كريم عامر وللدفاع عن حريتنا

http://blogger-in-jail.blogspot.com/

دوللي يقول...

عيد ميلادي
ده يوم عيد ميلادي وانا هااحاول اكون موجوده عشان مستنيه الهديه
اوعوا تنسوا
:):):)

fares يقول...

كان نفسي اكون معاكوا علي فكره بس انا من بعيد علي العموم ربنا يوفقكوا ويراريت حد يكتبلي وتقوللي عملتوا ايه وياريت الكل يبقي يشرفني علي مدونتي

Sharm يقول...

كان نفسي اجيلكم بس للاسف فرح ياسمين يوم الجمعة

اسمها ياسمين على اسمك برضه

اعتبروني جيت و امانة تسلميلي على كل اللى جم يا ياسمين

لو حد كتب و قال ياسمين موصلتش سلام شارم هتبقى زعلة كبيرة و يمكن تقوم حرب نووية

سلامي لكي شخصيا و ربنا يخليكي لينا
و تجمعينا دايما في الخير

واحـــد مـــــن الـنـــاس يقول...

معاكم ان شاء الله
ومش هتصدقو المفاجئة

علي جالكم ...خبو عيالكم

الدبور يقول...

i hope u pass it over soon !
u r good one
regards

shabfa2re يقول...

ربنا ييسر واقدر آجى المقابلة

ياسمين يقول...

محمد ياسر

شكرا لتحمسك لفكرة اللقاء

انت هتبقى مسئول الدعاية
:))))

ياسمين يقول...

دوللى

مستنياكى يا سكر انتى وسهر الليالى
ويمكن أعدى بنفسى كمان آخدكم بالعربية بس وصى سهر الليالى تلبس بسرعة شوية أحسن أنا عارفاها ما تنزلش من البيت الا على سنجة عشرة

ياسمين يقول...

fares
معلش حظنا وحش

sharm

ألف مبروك لياسمين .. بس هى مين ياسمين اصلا
أوعدك ان سلامك يصل للجميع نفر نفر

ياسمين يقول...

واحد من الناس

انت طبعا المفاجئة الجميلة اللى عاوزينها
ومش هنجيب عيالنا من اصله عشانك يا على
:)))

ياسمين يقول...

شاب فقر

نتمنى انك تكون معانا وأوعدك انك هتدمن اللقاء بعد كدة وهتقعد تتحايل علية انى أعمله كل يوم
:)))))

ياسمين يقول...

الدبور

ربنا يسهل يا اسامة
كله هيبقى تمام ماتقلقش
شكرا لإهتمامك

karakib يقول...

ياسمين شكرا جزيلا
و أن شاء الله هاجي
و مدونين كبار أيه بس أنا صغير عندي 24 سنه
انا مبسوط من أنه في لقاء زي ده
يا رب ما اتوهش
سلام

مصر هى أمى يقول...

ياسمين
ازيك الاول اخبارك ايه
ياريت طبعا قبل ما تروحى الاجتماع تكنى حضرتى اسم المدونة اللى اتفقنا ان احنا هانعملها وممكن تختارى كذا اسم واحنا نختار منها
وكمان ممكن نقرر انهوا يوم نعمله يوم المدونيين

اشوفك فى الاجتماع ان شاء الله

bassem (bosbos) يقول...

أحييكى على نشاطك الرائع لعمل تلك الإجتمعات , و يسعدنى أن أراكم جميعا يوم الجمعة إن شاء الله

ياسمين يقول...

كراكيب

المدون مش بسنه على فكرة .. المدون بإنتاجه وكتاباته
لما تيجى اللقاء هتتفاجىء بمدونين سنهم لا يتعدى العشرين ولهم انتاج جيد بالفعل

انت هتنور اللقاء

ياسمين يقول...

مصر هى أمى

الموضوع دة حاطاه فى برنامج اللقاء وهنناقشه انشاء الله

شكرا بجد تانى لحماسك يا محمد

dr_lazeez يقول...

`7aly balek fe nas da`7lem 3ala tam3 :)
دوللي kol sana wenty tayeba :)
bas eah mawdo3 el hadaya deah :)

amany يقول...

حرام عليكى انا برضه اللى البس بسرعه امال مين اللى دايما يلطعنى عموما ماشى يا ستى هلبس اى كلام ولا سنجه عشره ولا حاجه بس انتى تعالى فى ميعادك:):):)

sara يقول...

على فكرة حكايه اللقاء دى رائعه جدا ان شاء الله هاجى اذا ظروفى سمحت
اذا ما سمحتش تقارير مفصله لو سمحتى عن كل اللى حصل

ياسمين يقول...

dr_lazeez

آه فى ناس داخلة على طمع صحيح .. دوللى بتتكلم فى هدية وفى ناس بتسأل على الساقع والسخن وممكن تلاقى حد جعان فى النص ودة كله مصلحة لدكتور اسنان عظيم زيك

:)))))))))))

شكرا لسؤالك

ياسمين يقول...

bassem (bosbos)

تنور اللقاء طبعا يا باشا
هيكون الجميع فى انتظارك

ياسمين يقول...

أمانى

حاضر .. بلاش فضايح بقى كل الناس عرفت ان مواعيدى ملخبطة

وانتى يا قمر حلوة من غير حاجة .. حتى بلاهة لبس من أصله وننزل بالتريننج
دى الطريقة الوحيدة اللى تخلينا نوصل بدرى
:))))))))))

ياسمين يقول...

سارة

هأكون سعيدة جدا أنا والمجموعة الجميلة بتاعتنا لو شاركتينا اللقاء

وعموما احنا كدة كدة بننزل بوستات عن اللقاء كل واحد بيكتب من وجهة نظره الشخصية وبتكون جميلة جدا وبتشرح كل شىء

واحد من الناس يقول...

اتمنى اكون موجود
بس حكاية السفر للقاهره دي صعبه قوي يوم الجمعه
انا عايز اجمع البلوجر الي عندي في اسكندريه و نعمل مجموعة بلوجر لكل محافظه يجتمعوا يوم في الشهر و تجمع على مستوى الجمهوريه كل سنه
ايه رايك ؟؟؟
و انا معاكوا بقلبي و هحاول اكون معاكوا
قولي يا رب

شادي فايد يقول...

وسعوووووووووووووووو

كله يوسع

الصعايدة قادمون

ياسمين يقول...

واحد من الناس

أهلا باسكندرية وناس اسكندرية الغاليين
انت اقتراحك كويس بالتاكيد

كان نفسنا تكون معانا

ياسمين يقول...

شادى فايد

قدرت ترسم بسمة على وشى لما قريت تعليقك

يا أهلا بالصعايدة .. ينوروا

نحضر السجادة الحمرا بقى

شادي فايد يقول...

على فكرة انا حكون هناك من قبل اللقاء بكتير
نظرا لظروف السفر
من الساعة واحدة كده

لو عايزين مني اي خدمة
انا حكون موجود

ياسمين يقول...

شادى

هنحاول نيجى بدرى شوية
عشان ماتبقاش لوحدك

دوللي يقول...

لا خلوا بالكم انا مش هاتنازل عن عيد ميلاد قال طمع قال هو في كام واحده عيد ميلادها يوم الجمعه ؟ طبعا دوللي بس و كلمه زياده هاتشوفوا والله اخذ من كل واحد 10 جنيه
:):):)

الدبور يقول...

kick them out and be ready for bloggers' meeting incoming friday
anyhow i hope from the bottom of my heart to see it again !

ياسمين يقول...

دوللى

انتى تأمرى يا قمر

كل واحد يحضر الـ 10 جنيه يا جماعة

انا بس خايفة الناس كدة تزوغ و ماتجيش
:)))))

ياسمين يقول...

الدبور

اشكرك يا أسامة
وأنا بأدخر كل طاقتى فعلا للقاء بتاع الجمعة دة
الناس هتبقى كتير قوى المرة دى واكيد هاحس بنفس البهجة اللى حسيت بيها المرة اللى فاتت ويمكن أكتر

بحب الحياه يقول...

هاى ياسمين انا عاجبنى اوى الى انت عاملاه فى البلوج بتاعك و بجد كملى انا جديده على البلوج بس اتمنى انى اكون فرض من الجروب بتاعكوا فى يوم من الايام

nadine يقول...

ياسمين

بجد مبسوطة
و من ساعة ما أيلارى ما قاللى و انا متحمسة جدا
هحاول أجى انشاءالله
و عموما بس حبين اقولك
انت بتعملى حاجة كبيرة قوى
فكرتك دى فعلا رائعة
و بجد انت جدعة

اتمنى انشاءالله اجى يوم الجمعة
و ربنا يسهل

سلام مؤقتا
و إلى اللقاء

ياسمين يقول...

نادين

مش عارفة اشكرك ازاى على كلامك الرقيق دة

لازم تبقى معانا .. لازم
حاولى تيجى واوعدك انك هتمبسطى جدا

كبير المتشردين يقول...

كويس ان كلمة السر اتغيرت علشان التفرقة بين البلوج اسبوت والورد بريس ومكتوب والحجات دي مخالفة لحقوق الانسان

ياسمين يقول...

بحب الحياة

الله يخليكى ويارب تجيلك الجرأة وتكونى واحدة مننا فى يوم من الأيام

ياسمين يقول...

كبير المتشردين

نفهم من كدة انك هتيجى اللقاء؟؟

MoHaMeD HoSSaM يقول...

العدد بيتهايئلى فى اللقاء دا حيبقى ماشاء الله كبير ربنا يزيد ويبارك بس انا خايف بتوع الاوبرا يفتكرونا جايين نهدها ولا نخودها ونجرى استر يا رب

أُكتب بالرصاص يقول...

يا ريتني
كنت معاهم
بس للأسف مش هأقدر اجي

ميعاد الشاور بتاعي
:)

ياسمين يقول...

محمد حسام

فعلا يبدو ان العدد هيكون أكثر مما توقعت

ربنا يستر وما يطردوناش

ياسمين يقول...

أكتب بالرصاص

لأ دى حاجة مهمة ما نقدرش نتكلم فيها
النظافة من الإيمان برضه

أُكتب بالرصاص يقول...

ربنا يخليكي يا رب
بس انا ممكن اتغاضي عن ميعاد الحمام
بس لو دفعتوا لي تمت المواصلات

تيكيت رايح جاي

BinO يقول...

مش فاهم
هو تدوين فعلاً؟؟؟
عموماً ربنا يوفق
رغم أني مش مع الأختلاط اللي لا داعي له بمثل هذه الطريقة


علي فكرة يا ياسمين
أنا كان عندي نفس الموضوع اللي كان في ضرسك
بس الدكتور صبر معايا جداً وعملت زيك حشو ضرس وحشو جذر و الموضوع مشي تمام بقاله أكثر من سنة
بس في ألم من فترة للتانية
بس مش ألم شديد
بس كان أفضل بكل الأحوال من خلع الضرس

ياسمين يقول...

اكتب بالرصاص

شكلك كدة داخل على طمع
:))))))

dr_lazeez يقول...

shofty ba2a ya yasmine ana mish gay leah deah hata`7ood 10 genaaahhh :)

kolo sana wenty tayeba ya dolly :) we hedeyeteg hatewsalek :)

amamawdo3 el 2akl wel senaaan 3awzek tezabateny ya yasmine zay ma2oltelek 2nwa3 el 2akl 2ely ana 2oltelek 3alaha :))

ياسمين يقول...

بينو

أحب اقولك ان دة معناه ان لسة فى جيب صديدى تحت الضرس وهو فعلا مش بيسبب الم شديد لكن ألن محتمل .. المشكلة انه ممكن بيخلى سرعة الترسيب عالية جدا فى الدم ودة بياثر على القلب فى حال تجاهله .. ويجب علاج أى التهاب صديدى بالجسم لهذا السبب
وبالفعل أنا ضرسى تم فتحه عدة مرات حتى تم اكتشاف الجيوب الصديدية الثلاثة التى تم استئصالها بالجراحة وفهمت من الدكتور ان كثير من الطباء يتجاهلون العملية لصعوبتها
وانا لم اخلع أى من الضرسين بل قام بالدخول الى الجيوب الصديدية عن طريق عمل فتحة فى اللثة .. جزاه الله كل خير
وعموما عنوان المركز الطبى دة هو
شارع مكرم عبيد عمارة رقم 38 الدور الأرضى - دة لو حبيت تروح تعمل كشف

أما بخصوص الإختلاط فهو ليس حراما يا سيدى .. وأكبر دليل على ذلك أن الحج نفسه فيه اختلاط
وكانت كثير من النساء الفقيهات تعقد حلقات للدرس وكان ياتيهن رجالا طامعين فى علمهن
على فكرة أنا دارسة شرع وفقه
و والدتى تدرس فقه وشريعة ولها عدة ابحاث فى تفسير القرآن وفى فقه النساء وكنت دائما اساعدها فى ابحاثها
انت محتاج اعادة نظر فى مفاهيمك يا بينو .. وتقبل منى بدون اى حزازات أرجوك فأنت بذرة طيبة تحتاج للرعاية حتى تمنح الخير للآخرين

تحياتى

ياسمين يقول...

dr_lazeez

شفت يا دكتور عاوزين يستغلونى ازاى .. اللى تقولى هدية وعيد ميلاد واللى يقولى هتدونى كام عشان آجى مع انهم كلهم المفروض يدفعوا اصلا عشان يشوفونى ويقعدوا معايا
ما يعرفوش ان القعدة معايا بالدنيا

وما تخافش هاظبط موضوع الكل دة يا دكتور
شفت تعليق بينو وردى عليه
:))))))))))))))

سيف من خشب يقول...

معلش يا ياسمين مش هقدر اجى المره الجاى ان شاء الله راح اجى تحياتى

ياسمين يقول...

سيف من خشب

عموما أنت الخسران
:)))

تنور معانا فى أى وقت يا سيف

Hannoda يقول...

ساعة الصفر جت .. وزمانكوا الآن في اللقاء .. حاموت وأعرف الأخبار لإني بجد كنت أتمنى أكون موجودة معاكوا
:(
لقاء ناجح انشاء الله

شادي فايد يقول...

hannoda

ساعة السفر ايه

اللقاء لسة بكرة

انت حتشككيني فى نفسي ليه
؟؟؟؟؟؟؟؟؟؟؟؟؟؟

dr_lazeez يقول...

BinO
dah 2aked doctor kewayes .
atmanalak eno yefdak keda 3alatoool


yasmine .......

enty kaleteny 2ab2a bolger begad .
kol yuom 2adkol we akteb .
shokran leaky dah 3alam gameeeel .

whyme يقول...

الزعيمه
ازيك و عامله ايه
انا شايف ان الخير كتير والحمد لله و الناس بتتدفق على اللقاء و انشاااااااااااء الله يكون احسن من الى قبله كمان

و انا على فكره فى اسكندريه دلوقتى و انزل على اللقاااااااااااااااء على طول

تحياتى
و الى اللقاء

واحد من الناس يقول...

بفكر اكسر عزلتى ووحدتى واجاى.
اتقابلت انا و محمد عادل واتكلمنا كتير انى اخد الخطوة دى
انا كدة ان شاء الله جاى عشان:ـ
1- مش هاقدر ارفض لمحمد طلب لانه فعلا انسان جميل اخاف يزعل منى
2- انا عاوز اتغير
3- فى ناس كتير انا زبون دائم عندهم نفسى اشوفهم

يا رب يبقى يوم جميل والعدد اللى شكله هايبقى كبير دة مايكونش مشكلة
تحياى لمجهودك التنظيمى القيادى ... اهى التحية دى لوحدها قضية امن دولة مش ناقصها غير .. البعثى التقدمى

دوللي يقول...

dr_lazeez
شكرا قوي انا بجد هديتي اني اشوفك
تحياتي
:):):)

شــــمـس الديـن يقول...

السلام عليكم

ازيكم يا ججماعة

انا اتبعتت لي دعوة من الاخ احمد شقير ... مش عارفة دا اجتماع للكل ولا لناس معينة ولا ايه النظام ... يعني لو فيه ناس اقدر اقولهم اقولهم ولا علي ناس اللي اتوجة لهاالدعوة ؟؟؟ولا اعمل دعوة علي المدونة بتاعتي ...ولا بلاش علشان الامن :)

smraa alnil يقول...

ياسمين

الناس دي هنلاحق عليها منين
دي هتبقي مصيبة من مصايب الزمن
انا هعيط

بس في حاجة بقي غايظاني
انتي ناسية اني من ضمن مؤسسي هذه الفكرة

الناس متجهلاني كدة ليه
هههههههههههههه
وادوكي حق الاحتكار للفكرة
انا كدة ههدها فوقيهم كلهم
وهكسر الدنيا

يعني انا مأسساها معاكي
ويطلعوني منها كدة
انا اتعرض ثم اشجب ثم اتنحي
ومش تساليني ايه الكلام الكبير دة
ابقي اتصلي بيا بقي لان اختك مفلسة ومش معاها تشحن
وتقريبا هطلع فلوس من كل الل هيجي عقابا ليهم علي انهم مش جابوا سيرتي

micheal يقول...

ياسو...أنا جاي باذن الله علي الساعه الثامنه بس قوليلي انزل عاد مسرح الهناجر و أكمل؟
و اسم الشارع ايه اللي فيه الكافيه؟
تحياتي لكي

مصر هى أمى يقول...

ياسمين

سمراء النيل زعلانة ان محدش بيجيب سيرتها مع انها هيا اللى كانت بتكتب استمارات الاشتراك الاجتماع اللى فات وهيا برده اللى لمت الفلوس من الاعضاء الجدد ومع ذلك بتقول مفلسة طب ازاى احنا بالمنظر ده لازم نعمل اجتماع اسبوعى وسمراء هيا اللى تلم الفلوس زى العادة علشان متبقاش مفلسة

هاشوفك النهاردة ان شاء الله

مصر هى أمى يقول...

واحد من الناس - طارق

اولا شكرا ليك وتانى حاجة انت اللى انسان كويس

ياسمين المدونة بتاعة طارق جميلة اوى وعايزين نشجعه انه ييجى الاجتماع النهاردة ماشى

طبعا مفيش احسن منك يشجع المدونيين الجدد

micheal يقول...

تحياتي لكي و لكل فتاه و امراه في يوم المرأه العالمي مع تمنياتي بتحسن أحوال المرأه في جميع الاقطار العربيه..و معلش أن تهنئتي جاءت متأخره 24 ساعه
تحياتي لكي

david santos يقول...

Hello!
This work is very good, thank you
have nice wkend

أبو ضحى يقول...

اتمنى ليكم التوفيق فى اللقاء ده

واحد من الناس::طارق:: يقول...

ياسمين.. حمد لله على السلامة.. كان يوم حلو اوى وانا مبسوط انى عرفتكم

amany يقول...

طارق
واحد من الناس

أنا اللى باشكرك على مشاركتك معانا .. انت انسان جميل جدا جدا والله
وأظن ان دة رأى الجميع برضه
انشاء الله تبقى على طول معانا ونشوفك دايما منور بيننا

ياسمين يقول...

واحد من الناس

امانى قالت اللى كنت عاوزة اقوله
وبجد انا مبسوطة انى شفتك

واحد من الناس::طارق:: يقول...

متشكر جدا ليكى ياسمبن
بس الحقيقة انا متكلمتش مع امانى ومعرفش اصلا ان كانت شافتنى ..عشان كدة برجح انها تقصد حد تانى .. وانا قلتلها كدة عندها وقولتلها ان الكلام الجميل دة ينطبق على كل اللى جم .
شكرا ليكى تانى ياسمين

mano يقول...

ياسمين اشكرك بجد على اللقاء الجميل ده
و لو تعرفى انا مبسوطه ازاى انى شفتك وعرفتك
و سعيده بكل اللى جم
تحياتى ليكى

واحد من الناس::طارق:: يقول...

ياسمين..
لستة المدونين اللى جم جاهزة عندى باسامى مدوانتهم
يا ريت تشرفينى

karakib يقول...

اللقاء كان جميل جدا
جزيل الشكر لتعبك في تنظيمه
بجد شكرا

أغلو يقول...

كل شيء عن أغلوكو... الآن ستجده في تاجات الجديدة في موقعي... شكراً للانضمام

غير معرف يقول...

احلى حاجه فى الموضوع نشوف نجوم التدوين قدام عنينا .. زي نجوم السيما كده ..
مش قصدي نجوم لانهم مشاهير قصدي نجوم لاننا بنحبهم .. عموماً للأسف انا عرفت الميعاد بعد ما عدى .. كان نفسي اكون معاكم .. متنسونيش المره الجايه ..

احمد هتلر
www.a-hetlar.com

الدبور يقول...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقريه وقولي ليا رايك ؟
رايك يهمني

تحياتي
الدبور

إبراهيم يقول...

لقاء رائع..ارجو انه يتكرر..هعتبرك سيدة البلوجرز الأولى

إبراهيم يقول...

شرفيني في مدونتي بس بجد أنا قلت رأيي بصراحة..ياريت محدش يزعل مني

قولي رأيك والأمر لله

MoHaMeD HoSSaM يقول...

انا كنت سعيد جدا بالقاء وسعيد اكتر انى اتعرفت عليكى بجد

ياسمين يقول...

مانو

انا بأشكرك انك جيتى وادنينى الفرصة انى أشوفك واتعرف عليكى

بنت فى منتهى الرقة والجمال

يا رب تبقى معانا على طول

بجد شكرا

ياسمين يقول...

طارق
واحد من الناس

أنا دخلت عندك ولقيت داتا ممتازة بصراحة انت عامل مجهود كبير يا طارق

اشكرك بجد ولازم تبقى معانا
وبسوطة انى اتعرفت على انسان رائع زيك

تحياتى

ياسمين يقول...

كراكيب

حضورك كان أجمل ما فى اللقاء

شكرا انك اتحت لى الفرصة اشوفك

شكرا بجد

ياسمين يقول...

احمد هتلر

اشكرك ولازم تبقى معانا المرة الجاية

تحياتى

ياسمين يقول...

ابراهيم

انا قريت البوست وعجبنى نقدك البناء واللى يدل على انك متحمس للموضوع و واخده بجدية

اشكرك على المشاركة وعلى البوست وعلى اهتمامك بشكل عملى

تحياتى

ياسمين يقول...

محمد حسام

دة أنا اللى باشكرك .. انت انسان رائع وحساس وشرف لية انى اتعرفت على مدون عنده وعى عميق بكل تفاعلات البشر الإنسانية

اشكرك