الأربعاء، 14 مارس، 2007

فات المعاد

نظرت حولى
فلم أجد غير الذكريات
وبعضا من بقايا نفسى
ألملمها .. أدثرها
وأدفنها .. وأبكيها
وانعيها
وارضى بالمصير

هناك 77 تعليقًا:

harmless يقول...

عندك مشكلتين اكبر من بعض

الاولى انك ما تتنسيش
والتانية انك ما تتعوضيش

واللى بيعرفك دايما بيجرى
ودايما بيلهث

لا عارف يبقى زيك
ولا عارف يحصلك
ولا عارف يجاريكى

انتى ارهقتى محبينك
بس

The Eagles يقول...

يا سمين
كم انتى قوية .. انتى كالجبل وتحتملى الكثير
فاستمرى على بقائك كياسمين القوية التى نعرفها واتركى كل شىء..كل شىء خلفك وانسيه
ان الله مع الصابرين


والسلام..........

.:.-=- ELGaZaLy-=-.:. يقول...

لا اله الا الله فى اية بس مالها الذكريات اكيد فيها حزين كتير واكيد برضة فيها فرح ...بقايا نفسك لية بس فى اية ياسمين اية القلق دة..مالك ما تقلقيناش عليكى...
وعن اي مصير تتحدثى...يا ستى الدنيا فيها نور كتير وابيض كتير...

ما تغمضيش عيونك كدة بس وروقى ...

ام العيال يقول...

ادفنيها و ابتدي صفحه جديده
دايما الي جاي احلا

المره الجايه ان شاء الله حكون معاكو
اذا الجمعه دي انا فاضيه
بس قولي و ياريت توته تيجي
سلام

شادي فايد يقول...

حاسب من الاحزان وحاسب لها

حاسب على رقابيك من حبلها

راح تنتهي ولابد راح تنتهي

مش انتهت احزان من قبلها

Nohaz يقول...

عشان كده اختفيتي
كان نفسي تسمعي نصيحتي
ربنا معاكي و احب اشوفك قريب

GEBSON يقول...

yasmina

من نعم ربنا على الانسان نعمة النسيان وساعات كتير الواحد ما بيحسسش بالنعمه دى والذكرايات الحلوة لللأسف بتتنسى اسرع من الذكريات الأليمه وبعد ماننساها نفتكر الذكريات الحلوه ونقول الله كانت ايام حلوه والذكريات اللأليمه نضحك عليها و على نفسنا

فأحسن حاجه اننا نذفنها ونعتبرها صفحه مقطوعه من حياتنا ومعتقدش ان ياسمين ترضى بالمصير وانها اقوى من كده بكتير اوى اوى
قلبى معاكى

واحد من الناس::طارق:: يقول...

مالك بس يا ست الكل.. بلاش انتى ونبى
لما الحزن يمد ايده عشان يخدك .. اقطعيهاله. اوعى تسلميله ..لو خدك يمكن متعرفيش ترجعى .. اصل انا عارفه كويس .. ولو عرفتى ترجعى مش تبقى انتى هايشوهك .

ايه القرف اللى انا كاتبه دة ... دة كلام يجيب كأبة مزمنة .. معلش كان قصدى اشدك من ايده قبل ياخدك .. يوووه تانى ...
انا كدة مضطر اقولك نكتتين على الاقل يمكن يقدرو يخلوكى حتى تبتسمى ... اسمعى يا ستى :
1- المذيعة بتسال مبارك وبتقوله "حضرتك هاتلقى خطاب الوداع امتى ؟" رد البيه وقالها " ليه ..هو الشعب رايح فين "

2- واحد غلس اوى (برجح انه مبارك شخصياً) دخل السينما .. ملقاش غير واحد بس فى القاعة .. راح قعد واره وقاله .. دماغك شوية لو سمحت

خلاص بقى روقى ..

smraa alnil يقول...

ياسمين

حاسة بالعجز اني مش قادرة اقف جنبك
ومش عرفة اعمل ايه
انتي عارفة اني بحبك
وصعب عليا اوي اني لاقي حد انا بحبه بيقع ادامي ومش قادرة اشيله
انا يمكن كلامي مش يفيدك ولا يخليكي تقوي نفسك
انا مش هقولك غير اني انا بحبك جدا وانتي عارفة دة
اللي انتي بتمري بيه مش اول واحد تمر بيه
بس لازم تتاكدي انك مش لوحدك وان في علي الاقل غيري بيموتوا فيكي
وبيحبوكي وبيحترموكي
يوم ما بتقعي بتلاقينا جرينا ععليكي واخدناكي في حضننا
بنحس بيكي وانتي عارفة ان انا حاسة بيكي
بس مش عارفة اخد خطوة ايجابية ليكي
مش عارفة اجي واقتحمك واقولك انا جنبك
انتي قوية يا ياسمين
وفي حاجت في دنيتك حلوة اوي
يكفي ان انتي معاكي بناتك
صدقيني دي بالدنيا
ومش تخافي عليهم
ولا تخافي انك هتبقي لوحدك من بعدهم
لاننا كلنمنا هنكون معاكي
مش شرط الحب تشوفيه بشخص واحد
الحب موجود جوانا ليكي
بنزعل علي زعلك
وبنخاف عليكي
وبنفرح لما بتفرحي
لازم تحلمي علي الاقل احلمي بمستقبل بناتك وبحلمنا
لازم تقفي
هترضي بالمصير ماشي
مش هتلاقي غير ذكرايتك برضه ماشي
بس لازم تلملمي نفسك من تاني
ولا تدثريها ولا تدفنيها
لملميهاعشان تبقي احسن وتعيش
مش هقول مش تبكي
ابكي عشان تحسي اني انسانة
بس اياك دموعك تحسسك انك لوحدك
شوفي كام واحد بيقولك ان حضننا مفتوحلك
وانا حضني يساعك ابكي فيه زي مانتي عايزة
ونقول الحمد لله
اننا مع بعض
بس لازم تقفي علي رجلك
واضحكي ولاخر مرة هقولهالك تاكدي انك مش لوحدك
وقلتلك لو الدنيا دي كلها اتخليت عنك
انا معاكي
يا ابنتي انا مش ليا غيرك
انا بحبك

The Groom يقول...


احلمي تاني يا ياسمين

والله الدنيا لسه فيها خير

وادعي ادعي كتير أوي

تحت امرك دايما أنا ومدونتي

سلاااااام

amira يقول...

ياسمين

فيه إيه ؟؟
إنتي إتحسدتي ولا إيه ؟؟

على العموم أنا بعتلك ميل
لو عايزة تتكلمي معايا
أنا حطاكي خلاص على الماسينجر

عبدالله يقول...

صعب قوي اننا بعد زمن طويل نكتشف اننا فكرنا غلط في الاول
بس ليه نزعل ما لو كل الناس بتتصرف صح مكنش الدنيا بقيت دنيا كنا بقينا في الجنه
الصح اننا نقدر نبص حولينا و نشوف ذكرياتنا ونبتسم ولما نلاقي بقايا نفسنا نلملمها بس مش علشان ندفنها علشان نهيئها من اول و جديد و نستفيد من ماضينا بدون بكاء و لا نعي بس برضه برضاء بالمصير انه من قدر ربنا و اكيد دايما قدر ربنا خير مهما شوفنا انه مش خير بس بعد كام سنه لما تفتكري الموقف ده هتعرفي رحمة ربنا كانت واسعه قد ايه في الموقف ده

اقري شويه في الايمان بالقدر و الرضي عن ربنا ارضي عن قدره ربنا هيرزقك الرضا هتحسي بالسعاده الداخليه من جواكي ان السعاده غلط ان نخليها معتمده علس مسببات خارجيه الصح تبقي سعاده داخليه و ساعتها مستحيل حاجه في الدنيا تقدر تزعلك

اتمني اشوفك مبتسمه قريب وراضيه وسعيده بحياتك دايما

تحياتي

حوريه يقول...

عزيزتى ياسمين
اعملى نضارة و البسيها و بصى حواليكى كويس و ابحثى عن بداية جديدة كفاية كدة يا ياسمين .. ارجوكى هاتى كيس زبالة اسود و حطى فيه الصور و الذكريات القديمة و الملابس و الهدايا و تخلصى منها
اما بقايا نفسك اللى بتقولى عليها فلملميها و عيدى ترتيبها لتكون كما كانت و كما هى دائما انسانة قوية متماسكة لا تدفنيها لا تنعيها انها حية و تستحق الاحسن و سيعوضك الله سبحانه و تعالى الذى لا يرضى عن الظلم
قولى " اللهم اجرنى فى مصيبتى و عوضنى خيرا منها "
و حسبنا الله و نعم الوكيل
قلبى معك
ناديه

hebaz يقول...

It is never too late for anything.Believe me!

أميرة ويلز يقول...

لملى نفسك

ودعى الذكريات تمضى حيثما تشاء

فما نحياه الآن سيصبح ذكرى يوما

فلا تسلمى ايام للريح فتفرطها

فينقضى العمر بين يديكى ذكريات ولكنها فارغة لا تحمل متعة الحياة

سلامتك ياياسمين معرفش فيكى ايه بس ربنا يقويكى اكتر واكتر
ويعينك
ويسلمك من كل شر ياقمر

غير معرف يقول...
أزال أحد مشرفي المدونة هذا التعليق.
أحمد سلامة يقول...

قمر جميــل طاف في عيني جميلا واستدار
فهرعت أجري خلفه فوجدت وجهي للجدار

كلمة نظرت حولى-اللي في أول البوست- فكرتني بسرعه بالبيتين دول لفاروق جويده

هي الناس مستغربين اكتئابك ليه ؟؟
ده لو كان اكتئابك حقيقي مش على الكيبورد بس
عادي يا جماعه مش في حاجه اسمها المعدل الحيوي

مع اني مش عارف حاجه بس ...امممم
عايز اقولك
ينفع تبدأي من جديد ؟

الدبور يقول...

لا اله الا الله
مالك بس يا ياسمين ماكنتي زي الفل و كويسه امبارح ومبسوطه مع الناس في ساقيه الصاوي ايه اللي حصل بعدها
انا قلت برضو اني في حاجه لما اتصلت و انت مش رديتي ؟
صدقيني اللي انت فيه ده فكري فيه بعمق و تروي ومش تحسبيها لقدام ابدا
محدش عارف بكرة فيه ايه و كله في علم الغيب وانت عارفه كده كويس
ودايما خلي جمله "لعله خير " دي دايما قدامك
اتمني ان انت تتجاوزي الموضوع البسيط ده و بسرعه
تحياتي
الدبور

مجهول يقول...

ربنا معاكي من كل قلبي
انشاء الله ربنا يوفقك وتتخطي الازمه دي
تمنياتي بالعوده السريعه

karakib يقول...

زرعت كل همومي و أحزاني في حديقة منزلي الخلفية في الشتاء الماضي
و لما أتي الربيع أينعت زهورا بديعة لا مثيل لها
فأتي جيراني و المارة ليسألونني أن أعطيهم من هذة البذور لكي تنير في حدائقهم الربيع القادم
---------------
الحزن لما بيتدفن بيخرج منه الزهر الجميل ليس عليك الا أن تنتظري

LAMIA MAHMOUD يقول...

بصي انا معرفش فيه اية .. ولا كنت احب اعرف انا مفهمتش البوست وقريت الكومنتات لقيتها كلها معناها ان في حاجة في حياتك .. جايز مكنتش حسيب تعليق لحد ما قريت تعليق من مجهول الهوية .. لو كان اللي بيقوله صح اصلا .. فلا شماتة في حاجة زي كده يا عم اللذيذ .. واعتفد انك سواء واحد او واحدة اجبن من انك تكتب اسمك .. معلش يا ياسمين انا معرفكيش بس انا حالا بدافع عن مبدا مش عنك كشخص

سوري للتطفل

LAMIA MAHMOUD يقول...

اه نسيت اقولك كله بيعدي

Shower-Mirror يقول...

احسن كلمه قولتيها ( و ارضى بالمصير ) فعلا هو ده مفتاح خلاصك من المشكله - اللى انا مش عارف هى ايه بالظبط - و لكن مش هايخلصك منها غير اقتناعك انك تحمدى ربنا على كل حال و كويس انك بخير و حواليكى ناس كتير بتحبك .... طبعا مع حفظ حقك فى انك تتخنقى و تضايقى و تعيطى كمان و لكن نصيحه - و اسمحيلى انى انصحك - اوعى تبعدى عن الناس اوعى تنفردى بنفسك انا شايف الناس هنا حواليكى بتمووت فيكى و مش هايمانعوا ابدا لو اتقابلتوا مرتين فى الاسبوع حتى .... المهم اشغلى نفسك على قد ماتقدرى و قللى و قت التفكير فى المشكله ... و ا>ا كانت فعلا مشكلتك هى الانفصال زى الاخ المجهول عديم الدم ما قال يبقى اللى تفكرى فيه هو ان ربنا مابيعملش حاجه و حشه و انك كان ممكن حياتك تكون جحيم و مش عارفه تخلصى منه و لكن انت الان فى جحيم مؤقت و الحياه كلها امامك ... طبعا انا عارف ان ممكن كلامى انا و كل اللى كتبوا هنا يكون اى كلام و لن يهون عليكى ما حدث - اللى احنا اصلا مش عارفينه - بس اكيد انتى فاهمه ليه احنا بنحاول كده ... تحياتى

مجهول يقول...

ايه الاخبار يا انسانه يا جميله
عايزك في مدونتي
محتاج رأيك

frozen love يقول...
أزال المؤلف هذا التعليق.
frozen love يقول...

ليه بس كده يا ياسمين دا انتي نوارتنا

ده انا لسة جاي من بوست كاتب عنك ازاي انتي جميلة وازاي وقفتي جنبي وشجعتيني وشاركتي في الحفلة

وجيت ابص هنا..لقيت الكلام ده

لا لا...انا مش مقتنع اني هي دي ياسمين اللي لما تبص لوشها بس بتحس بالامل

مستنيكي ..مستني ياسمين

ومستني...كتابة من تاني كلها امل وحيوية


ليكي وحشة والله في اليومين دول بس

حامد

Shower-Mirror يقول...

اااااااااااه انا دلوقتى فهمت لما قريت حكايتك عند جرووم ... و النبى انتى غلطانه ... هو ده راجل يا بنتى حد يزعل عليه !!! اقسم بالله انا لو منك اعمل فرح .. ده انتى لازم تحمدى ربنا و تشكريه انه وضحلك حقيقته ... و قريب قوى هاتفتكرينى لما يرجعلك ندمان لما الاخت ام شعر اصفر و عيون زرقا تدخله بواحد مصطاداه من الشارع .... تحياتى و اوعى تمضى انك قلب مجروح تانى امضى ب واحده ربنا نجدها

No Fear يقول...

السلام عليكم
هو أنا أخر واحد المفروض يقول الكلام ده
بس مش لازم ترضي بالمصير

مصر هى أمى يقول...

ياسمبن
طبعا انتى هترى الكومنتات اللى جاتلى وهتشوفى ان اللى بيحبوكى كتير اد ايه
انا عايز اقولك حاجة ان الحياة لازم تستمر انا تجربة ادامك وافتكر ان احنا اتكلمنا كتير عن مشاكلى وانتى عارفاها لكن مع ذلك اما بدأت التدوين ولقيت اصحاب كتير زيكوا الحياة اتغيرت ادامى وانطلقت للحياة الجديدة بسعادة كبيرةعلشان كده انا عايز اقولك حاولى تخرجة من المود اللى انتى فيه والدبور قالك كلمة حكمة لعله خير
وده صح محدش يعرف الخير فين مش كده برده
فكرى واحنا عارفين انك قوية ومش من السهل انك تنهزمى

حواء يقول...

ياسمين
جرحى أم جرحك لافرق الأن
أتوحد معكى فى تللك اللحظات فهى قاسية بالفعل ولكن لابد أن تتخطيها لأنها قد تتخطاكى وعندها ستنجرحى مرة أخرى وعليكى حماية ذاتك من الأن حتى لاتمرى بذكريات مشابهة يوما ما على فكرة عندىمعادلة وجدت لها حل فى الحياة لما تفوقى أنشاء اللة هأقولها ليكى

NOHA يقول...

ياسمين

مالك بس يا حبيبتى

عموما اللى مطمنى عليكى انك بتقولى انك دفنتى الزكريات الأليمة و دة شيء جميل

فى اوقات كتير بتعدى علينا بنزعل فيها و نفتكر حاجات بتضايقنا دة قدر و الا ما كناش نحس ان فيه اوقات تانية جميلة و مفرحة و كلها سعادة

و بعد الليل دايما بيجى نهار حتى لو قعدنا نستى طلوع النهار دة طول الليل و ساعات الانتظار مؤلمة و مميتة و لكن فى النهاية بيطاع الفجر و النهار و الشمس كمان

و بعدين ما ينفعش ابدا تكونى حزينة و يائسة كدة و عنك 10000000000000000 صديق و صديقة بيحبوكى و لا ايه

بعدك على بالى يقول...

لا اعرفك شخصيا.. ولكنى عرفتك عبر مدونات عديدة زرتها وعرفت منها كم أنتى قوية وقادرة على تجاوز كل المحن..

اجمدى بمن حولك.. بكل هذه القلوب التى جاءت تقتسم معك الهم كما شاركتك فى الفرح...

تحياتى ودعواتى لك

amany يقول...

انت اقوى من اى الم واشجع من اى ضعف
تمالكى نفسك حتى تعودى سريعا الى ابتسامتك التى تملا الدنيا بهجه وتشرق معها شمش حياتى وحياه كل من عرفك انسانه بمعنى الكلمه
بحبك موت

amany يقول...

نسيت اقول حاجه بالنسبه للشخص المجهول اللى سايب تعليق لا معنى له ويدل على انحطاط النفس البشريه ان الشماته حاجه وحشه اوى وكما تداين تدان
ارمى الناس دى من وراكى

غير معرف يقول...

مين الشخص قليل الذوق وعديم الانسانيه اللى سايب تعليق بايخ وايه معنى كلامه ده ؟؟؟؟؟؟؟
اتقى الله فى الناس وعامل كما تحب ان تعامل

سامى محمود يقول...

الشماته عيب ماتعرفوش ايه اللى مخبياه ليكم الايام عيب كده اوى اللى عنده كلمه طيبه تقولها واللى ماعندوش
مايركبش نفسه ذنوب

The Groom يقول...


عارفة يا ياسمين

مش لاقي والله حاجة اقولها لان الشباب الحلوين دولا قالو كل حاجة

بس حاجة بسيطة أوي من أخوكي الصغير

"لا يرد القدر غير الدعاء"

يا رب يكرمك و يوفقك يا رب

فضفضة ألفتها عشانك:

تلقفت منها تلك الذكريات
والنعي و الالم والآهات
ولململتها وحفظتها بمأمن من العذابات
لا تبكي يا نفسها و تفاءلي بما هو آت
لا يولد الفرح الا من رحم المضرات
لا تدفني نفسك واحيها
ان الحب ما مات

---
فضفضة:
ناس بتنسى و ناس بتعذب الناس
ناس بتتنسي و ناس بتقدر الناس
ناس ليها ماضي و ناس بتصنع الناس
ناس ليها تمن غالي وببلاش بعض الناس

MoHaMeD HoSSaM يقول...

لعل الاحزان هى قدرنا فى الحياةوهى الجزء الاكبر من الايام ولكن الايام تمر باردتنا او رغماً عنا فحاولى ان تتماسكى حتى تمر تلك الايام وتعودى اقوى واصلب مما سبق وكما قلت لك القوى هو من يتعلم من صفعات الحياة

elkamhawi يقول...

لازم تدركى ده مفيش اى حاجة او اى حد باقى لاى حد هى الذكريات بس اللى هتبقى موجودة وده شى مسلم بيه

محض روح يقول...

كله بيعدى الحزن بيعدى والفرح برده بيعدى
بتقع ونقوم
قومى علشان نفسك وعلشان الى بيحبوكى
وعيزه اقولك كلمها قلوها زمان
لا تتخذي اى قرار مصيرى فى حياتك إلااذا درتي حول التل دوره كامله

ياسمين كل المشاكل الى بتوجهنا بتكون عمله ادمنا زى التل مينفعش ناخد القرار الصحيح لو بصيا من الجانب المطل علينا بس
لزم ندور وحلين التل ده دوره كامله علشان نعرف نشوف الجوانب الاخره ونقدر نوازن بنها علشان نعرف نكمل الصوره
ونختار
ويمكن فى الدوره ديه بندى لنفسنه وقت اننا نفكر ونراجع حسبتنا
ونشوف بوضوح
فكري ووزني حياتك وذكرياتك
واكيد هتطلعى بالحل
الحل عندك انتى
ربنا يزيح عنك كل حزن يارب

متغيرة شوية يقول...

اذا كانت الذكريات تسبب الالام فواجب علينا أن نجد لنا ذكريات بديلة

The Alien يقول...

محدش هيقرر مصيره غيرك
ومحدش هيساعدك غيرك
إنتي اللي لازم تقرري تتبسطي تاني
الموضوع كله attitude
وكله بيعدي
لإن الدنيا شوية فوق وشوية تحت
ودوام الحال من المحال

mano يقول...

ياسمين خليكى قويه
و احنا كلنا معاكى
و مهما كان اللى حصل كله هيعدى
و محدش عارف الخير فين

قاسم أفندي يقول...

ياسمين
ازيك
آمل متابعة موضوع الأقصى علي مدونتي
توجد أخبار سعيدة
أشكرك

إبراهيم يقول...

لا مترضيش بالمصير يا ياسمين

انا عارف إنك متمردة وعمرك ما ترضي ابداً بحاجة مش عاجباكي كمان انتي قوية وإرادتك هتهزم أي حاجة تقف في طريقك

أرجو انك مترضيش بالمصير ولملمي الذكريات وابني بيها مستقبل

سلام

micheal يقول...

ياسمين...بجد كله حيعدي طول ما في ناس بتحبك و طول ما أنتي ياسمين القويه التي تعشق الصعاب و تحديها
تحياتي لكي

Ahm@d S@bry يقول...

ده أول تعليق ليا عندك يا ياسمين ..
سمعت عنك وعن شغلك وكتابتك كتير
وبإذن الله هكون دايماً هنا لو الوضع سمح ..

ونصيحتي ليكي .. كوني دايما أقوى

أحمد

altaeeralgareeh يقول...

شوفي طول ما في حياة في أمل وطول ما في أمل في حياة
ودا اللي بيدينا القدرة علي إننا نكمل

الأرمـوطــي يقول...

لو مقدرتش تضحك مدمعش ومتبكيش لو مفضلش معاك غير فلبك مش هتمون هنعيش وان سالوك الناس عن ضى لية فى عيونك مبيلمعشى فول دة العيب مش فيا دا العيب فى الضى وانا مش عاشق ضلمة ولا زعلت الضى مسير الضى لوحدة هيلمع مسير الضحك لوحدة هيطلع ميجرحش ولا يبكيش.......ده مش كلامى بس انا لما بكون مدايق وبسمعة بتحسن اتمنى يكون لية نفس التاثير معاكى

ahmEd_H يقول...

لا اجد الكلمات لكن كلنا معاكى بجد

whyme يقول...

بقايا نفسك يا ياسمين مش مجرد بقايا دى ممكن تبقى بذره جميله لمجتمع اجمل اوعى تدفنيها بل ازرعيها من اول و جديد و حاولى تبتدى من الاول تححقى كل الى كان نفسك فيه و كمان اوعى تستسلمى لعالم الذكريات لانه كل ما بيمر بينا الزمن بيتقل حمله و بيعطلنا على السير للامام
الذكريات حلوه لكن بكره احلى و احلى بيكى و بكل اصحاب الفكر الجميل و المتحرر من قيود التخلف و الرجعيه

صديقتى العزيزه بجد كلنا بنجبك

تحياتى

دوللي يقول...

كلمات رقيقه واجمل مافيها هو الرضا بالمصير ياسلام لو نرضي بالمصيروقتها هايقدر كل واحد يكتشف السعاده الخفيه في حياته
ياسمين واحشاني جدا واتمني انك تكوني بخير عن قريب

Sampateek يقول...

و ماله
افتكري ذكرياتك
بلون رمادي باهت لانها مضت

و شوفي اللي حواليكي بالوان زاهية لانه هو ده الحاضر

كل الناس دي بتحبك
عايزة اية بقى
:)

أيوب زمانه يقول...

كلنا بنعمل كده يا ياسمين
كلنا زى ما بتقولى بالضبط

IBN BAHYA يقول...

رغم أني لا أعلم الميعاد ولماذا فات .. بس الكلام حلو .. أطيب أمنياتي لك بالتوفيق

أرق تحياتي

Mohamed A. Ghaffar يقول...

ليه ، وعشان ايه

الوردة السودة يقول...

كدة احسن
عيشى الواقع
وارضى بالمصير

hesterua يقول...

مدونة جميلة
اسلوبك حلو فعلا
بس لسه جاى كتير برضه حلو تستنيه
والوحس لو لا قدر الله جه
طوحيه

Shiko يقول...

عزيزتى

لم يسعدنى الحظ للتعرف عليكى ويؤسفنى ان اول معرفتى بيك تكون وانتى حزينه

انا مش عارفه ايه اللى مضايقك بالظبط لان صدقينى مهما كان هيعدى وهيهون

هى الحياه كده توليفه من جميع الاحاسيس ولولا المتناقضات دى مع بعض مكنش بقى للحياة طعم

تحياتى ليكى وربنا يهون عليكى ويصبرك

lastknight يقول...

أول تعليق لى فى مدونتك الرائعه .. سيدتى .. الذكريات نحن من ننتقيها .. فنختار منها أحيانا ما يسعدنا و يذكرنا بلحظات فرح نحتاجها أحيانا عند الألم الحاد فى الواقع .. و قد نختار منها ما نراه يستحق الوقوف أمامه للتحليل و التعلم من أخطائنا و أخطاء الغير ..
أما الذكريات المؤلمه .. فلانختارها .. هى من يفرض نفسه على عقولنا أحيانا كالضيف الثقيل .. و ساعتها .. طرد المتطفل واجب أنسانى لا تثريب فيه
سيدتى .. اطردى الذكريات المؤلمه كلها .. و ابحثى فى الماضى ( أذا كنت لابد فاعله ) عن لحظات ابتسام تساعدك على استقبال الواقع و التعامل معه
تشرفت بزيارة مدونتك .. و أنتظر تشريفك لى قريبا فى مدونتى

el2ahwagi يقول...

geeti 3al gar7 ...

bas ana la arda belmaseer ..
faqat a3eesho ... !

Nohaz يقول...

انا اوصل لك ازاي؟

Hannoda يقول...

أنا قريت البوست ده من كذا يوم

ومارديتش أرد عليه

أصلي ما حبش لما الناس تعتبر الإنسن الأكتف المليان نشاط و حماسة و حب و مسئولية كإنه ضد الحزن

بحسها سذاجة و أنانية لما نتوقع إننا نشوف اللي بيسعدونا في مود واحد كإنهم غيرنا
وعشان كده مارديتش.. أصلي خفت أتكلم زي اللي ما بحبهمش

بس أنا واجعني حزنك.. لما جيت قلت أكيد كتبت في حاجة تانية.. لقيتك لسة

فرديت.. وقلت إتحملي أنانيتي بقى وخلاص أصلي مش عارفة أحوشها

يارب يكون مود وعدي ومش خلفية لقلب عايش بيداري حزنه

يتمنالك بر أمان جواك أو حوليك

بس المهم يكون بر أمان

سمسم يقول...

ياسمين

صحيح انت عمرك مشوفتيني

بس انا شفتك

بقلبي ومش مهم عيني

ياسمين

أكيد بتحبينا زي ما بنحبك

طب اللي بيحب ناس

بيهجرهم

شاركينا معاك

همومك

خوفك

المك

احلامك

وإحنا مش ممكن نتخلي عنك

بشرط انك ماتضعفيش

وتتخلي عنا

ممكن تحاولي

safa7_karmooz يقول...

قولت اادخل ااقرا عندك ممكن افك

واخد ثقة اكتر

واقول بكرة احلى

لكن طلع العكس

ووقع الجبل

بحاجه صغيرة جدا
خلتنى انهار

ومقدرش ااستحمل ..:(

Bella يقول...

هذا أول تعليق لي عندك

انا طبعا لااعرف خلفيات كتابتك لماكتبتيه في هذه المداخلة ولكن هناك بعض الامور المتناثرة اتمنى ان أستطيع توصيلها لك.

الإنسان لايموت بدون حب ولكنه قد يموت بسبب الحب

إذا كانت أزمة عاطفية فلاتقفي عندها كثيرا ولاتجعلي اي شيئ يهزمك .
من حقك ان تحزني ولاتكتمي حزنك بل عبري عنه بكل طريقة متاحة تريحك .

وفي نفس الوقت تذكري ان الله قد أنعم علينا بنعمة كبيرة جدا لانشعر بقيمتها وهي النسيان
فالحزن يولد كبيرا وبمرور الوقت يصغُر بالنسيان.

حاولي الا تجلسي وحيدة فالوحدة تستدعي الذكريات وخاصة المؤلم منها.

حاولي ان تمارسي هواية من هواياتك التي لم تمارسيها من فترة للتجديد


وارجو الا اكون قد أثقلت عليكِ

أبو ضحى يقول...

تعرفى ساعات الﺬكريات مهما كانت مؤلمة بتكون ليها طعم مميز لما الواحد يقعد يحفر و يطلعها من قبرها بتكون ليها طعم الحنين...طعم الشيكولاتة

نبيــذ يقول...

ياترى ايه السبب وراء غياب ابتسامتك الدائمه ؟

Shower-Mirror يقول...

شيلتى التعليق اللى على صورتك فى البوست اللى فات !!! انك عايزه عريس .... خلاص مستخسره لمحة كوميديا فى البوست بتاعك ؟؟؟؟

كفايه كآبه كده ...لاحسن المود ده يسيطر عليكى و يلزق فيكى و ساعتها مش هايطلع و لا بالطبل البلدى .... :)

يا ياسمين ..الثانيه اللى بتضيع مابترجعش ... كفاك اهدار لاحلى سنين عمرك ...

تحياتى ...و شكرا لزيارتك لى و مؤازرتك

The Groom يقول...


أنا مع شاور

ياسمين عشان خاطرنا كلنا و كل اللي بيحبوكي

اركني الحزن شوية - اصحي من النوم بكرة بصحة و سلامة ان شاء الله وقولي أنا اليوم سعيدة

املي البيت سعادة و حاولي تسعدي من حولك - يمكن نسعد باسعاد من حولنا

خدي بالك من نفسك

سلااااااااام

BOS BOS يقول...

بصى يا حبيبتى أنا عارفة أن الكلام سهل بس لازم أتكلم حاولى ما تفتكريش الذكريات اللى بتزعلك وخدى منها عبرة وأفتكرى اللى بيفرحك بس واللى فات فات خلاص بلاش نفكر فيه
فكرى فى دلوقتى وبكرة فكرى فى كل الناس اللى ردوا عليكى وبيحبوكى قوى دو ل
خدى عظة من اللى فات وأنسيه خالص وعيشى حياتك

BOS BOS يقول...

اه نسيت على فكرة أنا كاتبة موضوع عن الرسول وأزاى ندافع عنه والموضوع طلع أفكار كتير ياريت تشوفى الموضوع وتساعدينا فى فكرتنا وأنا عارفة أنك تقدرى
ساعدينا بأى شىء حتى لو بفكرة

محمد صلاح العزب يقول...

دي حالة فنية ولا بجد
لو حالة فنية فهي كلها شجن
ولو بجد فهي كلها شجن برده
بس ما تحاوليش تطولي جوه
عشان مصر عايزاكي

الحصان الأسود يقول...

قال تعالى: وعسى ان تكرهوا شيئا وهو خيرا لكم

صدق الله العظيم

tamer يقول...

ياسمين

مهما كانت الظروف اللى بنمر بيها لازم نكون اقوى منها عارف انة صعب لكن لازم نقاوم ولانسلم لااى احزان او جرح لااى حاجة بتحاول تكسرنا


احنا اقوى كتير من اى شىء بس نفكر ونركز ونحاول نقوم ممكن نوقع كتير بس دة لايمنع انة يكون حافظ قوى للنهوض من جديد

ربنا يوفقك ويريح بالك

تحياتى

حسن محمود يقول...

ويمكن مافتش
انما يهىء ليكى انه فات

على كل حال عاجبنى الردين اللى قالوا النسيان والوقت هو احسن علاج

وماسمى الانسان انسانا الا لأنه ينسى

والرد التانى اللى قال وعسى ان تكرهوا شيئا

ودمتى بكل خير وحب وسلام وتقدير

سلام

ياسمين يقول...

حسن محمود
شكرا لزياراتك المتكرر عندى
وشكرا لهتمامك بالمدونات
أحب أقولك ان الجميع ذكرك بخير فى اللقاء الأخير
شكرا لك