الثلاثاء، 20 مارس 2007

كسرت قلمى


ليه بعت حبى و ودى بسهولة
ليه سبتنى وانا روحى مقتلوة
ليه التاريخ كتب نهايتنا
وانا كنت فاكرة .. حكايتنا محفورة
كتبتها ورسمتها على قلب عصفورة
***
انا مش هقول الحب كان قاسى
لا انت هو اللى خلاص ناسى
كسرت قلمى
وقطعت كراسى
وبعت حبى وودى بسهولة
وسبتنى وانا روحى مقتولة

هناك 149 تعليقًا:

harmless يقول...

طول ما الهنا فى ايده لا يدركه
وماشى فى طريقه يلطش اللى فى سكته
نفسى نفسى هو قانونه ودينه وملته
وعقله دايما يبرر شروره وانايته
واستغلاله كل الناس عشان خاطر متعته
آدى الانسان
وآدى الله وآدى حكمته

غير معرف يقول...

حلوة قوييىى

حوريه يقول...

الله يا ياسمين
رائعة انت شاعرة عظيمة كلامك مليان احساس و صدق .. انا حاسسه بيكى اكتبى يا عزيزتى اكتبى قولى كل اللى جواكى لما تقولى الكلام الحلو ده للى باعك امال اللى يحبك هتقولى له ايه و تعملى له ايه ؟ حقيقى يا باخته بيكى و يا بخت كل اللى يعرفك احنا محظوظين بيكى ربنا يخليكى لنا
نورتى مدونتك و النت كله

reri يقول...

هاي يا ياسمين... مدونتك كانت من أولي المدونات اللي دخلتها.... حسيت كلامك جميل وطالع من القلب ... لما لقيتك مكتئبه وعرفت إنك في حاله نفسيه مش كويسه...صدقيني ورغم إني ما أعرفكيش شخصيا بس زعلت جدا ... جايز لأنك من نوعية الشخصيات التي تشع بهجه لمن حولها .... حقيقي والله يا ياسمين مفيش حاجه تستاهل.... كملي وخرجي اللي جواكي... معلش طولت عليكي...

محمد عبد الغفار يقول...

عشان جبان

دوللي يقول...

انت فين ياجميله
ماتسمحيش لحد يكسر قلبك لان اللي يعمل كده يبقي مايستاهلش قلبك الكبير
وحشتينا

MoHaMeD HoSSaM يقول...

كلام جميل من انسانة اجمل
مهما حصل خليكى انتى الاقوى

انتى فييييييييييييييين صحيح؟

FATMA يقول...

متسبيش حد يكسر قلمك قومي و هاتي القلم و صلحية و هيبأى احسن من الاول

عبدالله يقول...

محدش بيبيع مره واحده اكيد كل حاجه بنشوفها بتكبر قدمنا بس احنا الي مش بنكون مصدقين نفسنا و ده بيدل علي اننا بس اخطئنا من الاول في الاختيار او فقدنا القدره علي التواصل مع الاخر
وسلامة روحك وقلبك من الزعل
مستني اشوفك قريب زي ما كنتي دايما مبتسمه للدنيا دايما

تحياتي

مصر هى أمى يقول...

ياسمين

الحياة دايما فيها الحلو وفيها الوحش ولازم الواحد يدوق الوحش علشان يحس بطعم الحلو يعنى لازم تواجهى المشاكل علشان تعرفى قيمة النعمة
حتى ولو الحياة قست عليكى فى فترة معينة لازم تكونى قوية وتحاولى تتغلبى عليها
خليكى قوية زى ما اتعودنا منك

غير معرف يقول...

كل نهاية بتكون بداية شئ جديد

ابتسمى يا ياسمين

أسوور يقول...

هارملس
ايوة آدى الإنسان وآدى الله وآدى حكمته
صدقت يا عزيزى
بس الكلام دة ينفع بوست لوحده

أسوور يقول...

باكينام ناصر

اشكرك دة انتى اللى حلوة قوى

أسوور يقول...

حورية
صديقتى العزيزة عبر الأثير
عندك حق لو كل دة عشان اللى باعنى
أمال لما كنا سوا كنت بقوله ايه
وعجبى على قلب ناسى

أسوور يقول...

ريرى
تشرفت بمعرفتك
وارجوكى ما تقطعيش الزيارة
وشكرا بجد على كلامك الرقيق .. رفعتى روحى المعنوية

أسوور يقول...

محمد عبد الغفار
مين الجبان
الحب ولا الإنسان

أسوور يقول...

دوللى
انتى كمان واحشانى
لما تكونى رايحة لأمانى قوليلى عشان آجى أشوفك

أسوور يقول...

محمد حسام
انا قوية بيكم
انا فى الدنيا يا حسام

أسوور يقول...

توتة توتة
قلمى انكسر زى قلبى
ممكن اجيب قلم جديد
لكن منين أجيب قلب جديد

أسوور يقول...

مصر هى أمى
لما تاكل حاجة حادقة وبعدين تحلى تحس بطعم الحلو أكتر

ولما تحلى قوى وتيجى تدوق المر .. بيبقى مر قوى يا محمد

انا برضه قوية بيكم

دوللي يقول...

:)
حمدالله علي السلامه

أسوور يقول...

نبيذ

ايوة فعلا .. عندك حق
ضاقت فلما استحكمت حلقاتها
فرجت وكنت أظنها لا تفرج

عبدالله يقول...

دَعِ الأَيَّامَ تَفْعَـل مَـا تَشَـاءُ
وَطِبْ نَفْسَـاً إِذَا حَكَـمَ القَضَـاءُ
وَلاَ تَجْزَعْ لِحَادِثَـةِ اللَّيَالِـي
فَمَـا لِحَـوادِثِ الدُّنْـيَـا بَـقَـاءُ
وََكُنْ رجُلاً عَلَى الأَهْوَالِ جَلْدا
وَشِيمَتُـكَ السَّمَـاحَـةُ وَالـوَفَـاءُ
وَإِنْ كَثُرَتْ عُيُوبُكَ فِي البَرَايَا
وَسَـرَّكَ أَنْ يَكُـونَ لَهَـا غِطَـاءُ
يُغَطّى بِالسَّمَاحَةِ كُـلُّ عَيْـبٍ
وَكَـمْ عَيْـبٍ يُغَطِّيـهِ السَّـخَـاءُ
وَلاَ حُزْنٌ يَدُومُ وَلاَ سُـرُورٌ
وَلاَ بُـؤْسٌ عَلَيْـكَ وَلاَ رَخَــاءُ
********
لاَ تُـرِ لِلأَعـادِي قَـطٌّ ذُلاّ
ًفَـإِنَّ شَمَاتَـةَ الأَعْــدَا بَــلاّءٌ
وَلاَ تَرْجُ السَّمَاحَةَ مِنْ بَخِيـل
ٍفَمَـا فِـي النَّـارِ لِلظَّمْـآنِ مَـاءُ
وَرِزْقُكَ لَيْسَ يُنْقِصُهُ التَّأَنِّـي
وَلَيْسَ يَزِيدُ فِـي الـرِّزْقِ العَنَـاءُ
إِذَا مَا كُنْتَ ذَا قَلْـبٍ قَنُـوعٍ
فَأَنْـتَ وَمَالِـكُ الدُّنْيَـا سَــواءُ
وَمَنْ نَزَلتْ بِسَاحَتِهِ المَنَايَـا
فَـلاَ أَرْضٌ تَقِـيـهِ وَلاَ سَـمـاءُ
وَأَرْضُ اللَّهِ وَاسِعَةٌ وَلكِـن
ْإِذَا نَزَلَ القَضَـا ضَـاقَ الفَضَـاءُ
********
دَعِ الأَيَّامَ تَغْدُرْ كُـلَّ حِيْـن
وَلاَ يُغْنِي عَـنِ المَـوْتِ الـدَّوَاءُ

micheal يقول...

الله الله يا ياسمين ع الكلام المعبر...بجد بوست صادق جدا...بس عاوز اقولك متستسلميش لاي احساس بالحزن لان اللي جرحك ده ميستحقش التفكير و الزعل علشانه
تحياتي لكي و أرجو لكي السعاده

ام العيال يقول...

امسحي دمعتك
و ارفعي راسك

كلامك جميل من قلب قوي
رقيقه هي مشاعرك
احييكي

raspoutine يقول...

ياسمين

كل سنة وانتى طيبة

إبراهيم محسن يقول...

يا جميل روحك مقتولة ليه؟؟
الكلام ده هيتعبني .. انا عاوزك ترجعي تضحكي زي الأول .. انت اقوى من انك تكسري قلمك.. اقطعي ورقة في الكراسة مش عاجباكي.. وبعدين أكتبي من الأول وجديد

أوك الحياة عمرها ما هتستنى حد.. لازم تدركيها
اوك
احب اشوفك قريب اقوى
سلام

أسوور يقول...

عبد الله
قصيدة جميلة قوى

اشكرك لإهتمامك

أسوور يقول...

مايكل
الألم الكبير بيخلق فن كبير
ولسوف أستثمر المى وجرحى فى اعادة موهبة الشعر اللى بدأتها وأنا عندى 10 سنين

تحية من قلب مجروح

أسوور يقول...

أم العيال

مسحت دمعتى ورفعت راسى
لكن الجرح فى القلب مش ناسى

تحية من قلب مجروح

islamz يقول...

مالك بس يا ياسسو .. حاسس انك زعلانة .. بسمع عنك كلام جميل وسموورة بتشكر فيكى وبتحبك اوى قريب اشوفك ان شاء الله .. نصيحتى استمتعى بحياتك كما هى اكيد فيها حاجة حلوة امسكي فيها واوعى تسيبيها وهتلاقي الضحكة رجعت تانى .. :]

eldoctor يقول...

احيانا يكون الاكتئاب شعور لازم ايشعر الانسان بروعة الحياة ..و نعمة الاصدقاء...
لولا الاكتئاب لما اكتشفت كم المشاعر الصادقة .. والايادى التى تمتد لتعينك على الوقوف بعد هبوب العواصف ...

أسوور يقول...

اسلامز
أوعدك انى أحاول
سمورة حبيبتى واحلى مدونة
مش بس مدونة .. دى صاحبتى

تحية من قلب مجروح

أسوور يقول...

الدكتور
دى حقيقة .. وأنا أحاول ان أخرج ما فى جعبتى لعل جرحى يشفى من خلال المدونة
وبمساعدة المدونين
كل مرة حد بيكتب كلمة حلوة لية .. بأحس انى ثقتى فى نفسى بترجع
الناس دى حلوة قوى وبيحبونى بجد وبدون أى غرض فعلا
تحية من قلب مجروح

أحمد سلامــة يقول...

كل حاجه وليها نهاية يا ياسمين
ولازم تختاري
يا إما نهايه المشكللة الكبيرة دي
يا اما نهايه أحلامك وطموحاتك وأفكارك ومدونتك الجميله
وزوارك
وأصحابك
و
و
و

بيتنا القديم يقول...

إعتبروه قلب وراح

إعتبروه قصر جراح

***************

مايستهلش دمعه واحدة من دموعنا

بيعوا ياقلبي

زي ماهو باعنا

قاسم أفندي يقول...

الاستسلام للحب كالاستسلام للموت
والحب الحقيقي بناء شامخ يطال السماء ولابد له من أساسات عميقة تضرب بجذورها الأعماق، فإذا لم توجد مثل هذه الجذور .. إنهار الحب في لحظة وأصبح ركاما وأطلالا ...

The Alien يقول...

وحشتيني يا ست الكل
نورتي مدونتك
أيوه كده مفيش حاجة هتخرجك من اللي إنتي فيه غير الكتابة والكلام
إكتبي وطلعي كل اللي جواكي
وأرجع وأقول
كل نهاية هي بداية

تحياتي

مجهول يقول...

عمر الألم ما استمر يا ياسمين
انشاء الله تفرحي عن قريب

سهر الليالى يقول...

ياسمين انا مش لاقيه كلام لانى عارفه جرحك كبير قد ايه مش قادره اقولك انسى لانى عارفه انك مش قادره ومش قادره اشوف الضعف والانكسار ده فيكى
ارجوكى ارجعى لنفسك وروحك الحلوه لانك قويه وصبوره وكفايه الدنيا ظلمتك وقست عليكى ماتظلميش روحك ولا تقسى عليها اكتر من كده لانك مالكيش اى ذنب فى اللى حصل انت عملتى كل اللى تقدرى عليه لكن فى الاخر ده القدر والنصيب
تقبليه واحتسبى عند الله

أسوور يقول...

أحمد سلامة
مين جاب سيرة نهاية المدونة
أنا ما بقاش فى حياتى حاجة فاضلة حلوة غير بناتى .. والتدوين والمدونين
شكرا يا أحمد على اهتمامك

أسوور يقول...

سمسم

مايستهلش دمعه واحدة من دموعنا
بيعوا ياقلبي
زي ماهو باعنا
عندك حق يا سمسم

أسوور يقول...

راسبوتين

وانت طيب يا أيمن
شكرا انك افتكرتنى

أسوور يقول...

قاسم أفندى

دى حقيقة
الحب لازم يبقى بناء شامخ
بس ساعات الواحد يسكن فى عمارة وهو متأكد انها متينة وفجاة تقع على دماغه ويكتشف ان المقاول غش فى الأسمنت
دة اللى حصللى بالظبط

أسوور يقول...

بيشو

انا برضه قلت كدة
هافضل أكتب واقول اللى حاساه لحد ما الألم يتضاءل أمام القلم
شكرا يا بيشو

أسوور يقول...

مجهول
لا حزن بيدوم ولا فرح بيدوم
ودوام الحال من المحال .. واللى قبلينا قالوا .. ضاقت فلما استحكمت حلقاتها فرجت وظننتها لا تفرج

أسوور يقول...

أمانى

خليتى دموعى تنزل .. مش عارفة من غير صديقة زيك كنت هأعمل ايه
انت وقفتى جنبى ومازلتى فى كل وقت احتجتلك فيه ومن غير ما أطلب دة
انت صديقة بجد وعمرك ما اتخليتى عنى
فى الحزن .. فى الفرح .. اتشاركنا
فى الحب .. والجرح .. اتشاركنا
ربنا يديم الصداقة
انتى صديقة عظيمة

hebaz يقول...

الانسان الى يبيعنا بجد ميستهلش يتزعل علية ولا لحظه واحدة
صحيح بنزعل على قلبنا و وقتنا لكن حرجع و أقولك أكيد أتعلمتى حاجة و يمكن حصل لك كدة علشان تقابلى حد تانى خالص يعوضك كل دة و تعرفى قيمتة بجد
الوحش هوة الى بيعرفنا قيمة الكويس و صدقينى مفيش حاجة بتضيع و ربنا بيردلنا حقنا مع الأيام
أرفعى رأسك و لا تيأسى أبدا لأن الخير و الأمل موجودين طول ما فية ناس كويسة زيك موجودين
و بصى ناس بتحبك قد أية؟
كل دة من حب ربنا
تحياتى

أسوور يقول...

هباز
صحيح ربنا بيعوض .. وحب الناس بجد معوضنى كتير
كلكم كان لكم دور كبير فى تغيير احساسى انى بلا قيمة
شكرا ياهبة

Eric Matt يقول...


لا
وألف لا

لسه فيه في حياتك حاجة حلوة أوي يا ياسمين

نفسك الحلوة دي

خدي بالك منها و متسيبيهاش تغرق في بحور الأحزان دي

عايز في يوم انزل الشغل الصبح ألاقيكي حاطة بوست سعادة و لو مزيفة

محتاجين ضحكتك تاني

عشان خاطر بناتك

وكل المدونين الحلوين دولا

فكري في شوية سلام مع نفسك و هدنة

جربي

تحياتي من ماناساس البلد

Ahmed Rashwan يقول...

لا يُكسر قلم وصاحبه حي

الأرمـوطــي يقول...

الله يايسمين ده من احلى الكلام الى قريته

أسوور يقول...

the groom

انا برضه لسة أنا .. بس الإنسان بيتفاعل مع الأحداث
قوى .. ضعيف .. سعيد .. حزين .. ضاحك .. باكى
كلها تفاعلات مع الأحداث
احلى حاجة حصلتلى انكم معايا وبتحبونى

أسوور يقول...

فيلم

أكيد .. ولولا القلم ماكنتش ارتحت
الكتابة بتريح وكل ما أخرج اللى جوايا هأرتاح أكتر
شكرا يا فيلم

أسوور يقول...

الأرموطى
شكرا ليك .. اخجلتم تواضعنا يا فندم

bastokka طهقانة يقول...

مش مشكلة
قلم اتكسر
ابريه
او اشتري غيره

تبرعوا لشراء قلم جديد لسكاي لايت
في حد يكتب كلام حلو كده و يزعل ان القلم اتكسر

اكيد القلم كان ضعيف


ما تبقي تيجي

أسوور يقول...

طهقانة
معلش بتحصل
هبقى آجى ازورك وسلمى لى على طهقان

غير معرف يقول...

بعض الناس ربنا خلقها علشان تدمر وتكسر وتحطم
ماهى دى الدنيا
فيها خير وفيها شر
فيها نهار وفيها ليل
فيها حر وفيها برد
وفيها ... وفيها

مضطرين نعيشها بحلوها ومرها بخريها وشرها

بس طالما احنا مضطرين نعيشها يبقى لازم نكون مبسوطين مش زعلانين

يعنى أعيش وكمان زعلان
ليه بقى ؟؟؟؟

ودمتى بكل خير وحب وتقدير
سلام
وكل سنه وانتى طيبة

harmless يقول...

كل سنه وانتى طيبه يا اجمل ام
واحلى انسانه
وارق انثى

ومش
اشطر حبيبه

Tamer Nabil Moussa يقول...

اول حاجة كلام رائع وجميل وكل حرف يحمل بد اخلة الكثير من المعانى

ادبيا عجبنى البوست جداا

لكن ما يحتوى علية من حزن وصراخ وندم وجراح يؤلمنى ان ارى الانسان يستطيع ان يجرح وينقلب على انسان مثلة يشاركة الانسانية هذة الصفة التى تحمل بداخلها الكثير من القيم الجميلة


لكن المجتمع والانسان المثالى ما هو سوى حلم بداخل القلوب الطيبة

لكن الحياة كما تعلمين ليست على وتيرة واحدة وهكذا نفوس البشر تختلف وتمشى فى اكثر من طريق


انا ارى الراحة هو ان يبعد الانسان نفسة عن كل شىء يحزنة ويتعبة الحياة قصيرة مهما طالت بنا الايام وحرام نعيش فى حزن او على زكرى حزينة


اللى يبع ولايقدرنى انا الانسان من شلتة وحفرت اسمة على جدار قلبى وهبت لة النفيس والغالى ولم يقدر

العتاب والندم والبكاء ضياع ودوران حوالين النفس الحل هو الابتعاد عن من لايقدرنى او يقدر احساسى ومشاعرى


تحياتى

محض روح يقول...

صدقينى محدش عارف الخير فين
لو اطلعتم على الغيب لاخترتم الواقع

احنا مش فى ادينا نمنع حاجه كانت مقدره لينا والفراق فى كل الاحول قدر لو سلمنا بكده هنرتاح ونريح الى بيحبونا والى بيصعب عليهم يشوفنا مكسورين
واى تجربه بتمر بينا بتقوينا
ربنا يزيح عندك كل شر يارب
وترجعى قويه زى ماكنت حساكى ديما

smraa alnil يقول...

كل سنة وانتي طيبة يا رارق واعظم ام في الدنيا
معلش مقصرة معاكي
بس جيت اقولك كل سنة وانتي طيبة يا حبيبتي

غير معرف يقول...

بعد كل الكلام اللى اتقال دة .. مش عارف اقولك غير حمدلله على السلامة

غير معرف يقول...

على راى اللمبى الحب الحب بلو بيف بلوبيف

أبو ضحى يقول...

وانا كنت فاكرة .. حكايتنا محفورة
كتبتها ورسمتها على قلب عصفورة

جميل أوى المقطع ده
------------------
لمادا تخليت عنى؟
و انت تعلم انى
أحبك أكثر منى
لمادا؟

أبو ضحى يقول...

تعرف يا ياسمين الحكمة البسيطة اللى بتقول

لازم حاجات تموت عشان حاجات غيرها تعيش

هى الدنيا كده رضينا أم لم نرض

المهم نعرف طريق الابتسامة من تانى، ونلاقى القلب اللى بندور عليه و يستحقنا

------------
خليكى جامدة

hosnysoliman يقول...

العزيزة الى قلبى ياسمين قلبى معاكى ونفسى اقدر اعمل حاجة اخرجكك من اللى انتى فيه ولكن النسيان مع الايام والرحمه من ربنا العباد سنه من سنن خلقة وربنا سبحانة وتعالى مقدر الاقدار واعلم بالاحوال ونفسى ترجعى وبسرعة للى بيحبوكى انسى بيهم اللى كان

Unknown يقول...

مممممممم

!!!!!!!!!

أبو ضحى يقول...

أرجو أن يكون مجرد اجترار لذكريات قديمة و ليس حاضرا تعيشينه تلك الأيام

أسوور يقول...

حسن محمود

تحسبها ولا ماتحسبهاش
هى الدنيا ولازم تتعاش
عندك حق يا حسن
شكرا لك

أسوور يقول...

هارملس
وانت طيب .. يا أحلى صديق .. وأجمل مدون

أسوور يقول...

تامر
كلامك جميل وعقلانى ومنطقى
لكن للأسف لا نجد تفسير لعواطفنا ومشاعرنا ولا نجد لها تبرير ايضا
كل شىء مبرر ومفسر الا المشاعر .. مبهمة لا تفهم لماذا تتأجج أو لماذا تنطفىء .. لماذا نحب من اذونا أو لماذا نبتعد عن من أحبونا
كلها أشياء غير مادية وغير ملموسة ولا نستطيع التحكم فيها أو الحكم عليها
قد نستطيع ألا نظهرها لكنها تظل بداخلنا تفرض نفسها علينا
وعجبى

أسوور يقول...

محض الروح

على فكرة انا قوية فعلا .. لسة عايشة وبأمارس كل أنشطة الحياة ومصرة على الإستمرار والتقدم
عارفة وفاهمة بعقلى ان الحياة لا تتوقف على انسان
لكن قلبى ومشاعرى بيترجموا ألمى لكتابات أنشرها على المدونة ودى فى حد ذاتها مصلحة كويسة
قليل قوى لما كتبت عن الحب وأو الجرح أو الألم .. دلوقتى انا بأكتب لون جديد ومبسوطة بيه بقدر ألمى تماما

أسوور يقول...

سمراء النيل
وانتى طيبة يا أحلى بنت فى الدنيا
وانا عارفة انك معايا بقلبك حتى لو بعيدة .. يا رب اشوفك أحلى عروسة وارقص فى فرحك يا رب

أسوور يقول...

طارق
واحد من الناس
انت قلت كتير وشكرا على دعمك فى الإيميلات يا طارق .. انت انسان عظيم فعلا

أسوور يقول...

أبو ضحى
فعلا أنت فسرت المقطع دة من القصيدة بمنتهى الدقة والفهم
اشكرك

أسوور يقول...

حسنى سليمان
مش هقدر اقولك انى ممكن أنسى
لكن أقدر أقول انى ممكن أتكيف مع الواقع
وانتم دلوقتى أجمل واقع وكفاية مظاهرة الحب اللى شايفاها وحاساها من ناس بتقدر بعض
اشكرك واشكر كل العيلة .. عيلة المدونين الكبيرة بتاعتى

أسوور يقول...

أميرة
وحشتينى وهاكلمك قريب

أسوور يقول...

أبو ضحى
للأسف هى واقع أعيشه وكل واقع مسيره يبقى ذكرى
شكرا ليك

أسوور يقول...

Anonymous
الحب مش بلوبيف
الحب علبة سردين سعادتك تفضل محشور فيها لحد ما حد يحن عليك ويفكر يفتحها .. وبعدين ياكلك بلا رحمة
:)))

Ahmad Hegab يقول...

الكلام اللى بيكون طالع من القلب بجد بيعرف سكتة الى قلوب الاخريين


بجد جامد جدا

حواء يقول...

ياسمين
بجدعجزت عن وصف شعورى تجاة مشاعرك المجروحة وبطلب منك تانى انك تقاومى رغم الالم وتقولى لنفسك ان اللى باعنى ما يستاهلنيش واكيد دة خير ليكى وعسى أن تحبو شيئا وهو شر لكم
على فكرة انا رديت عليكى عندى ماعرفش اذا كنت تابعتى ولا لأ
بتمنالك كل خير

Nadine Alfred يقول...

مؤثرة و مؤلمة
و على قد ما الكلمات جميلة و معبرة
على قد ما بتمنى انك تكونى بخير
و ان ده يكون مجرد شعر جميل
مايكونش نابع من ألم شخصى

بتمنى لك كل خير يا ياسمينة
وحشانى قوى
ربنا معاكى

إبراهيم محسن يقول...

يا بنت ردي على تعليقي اللي فوق؟
انتي مش شايفاه ولا إيه؟
سلام يا جميل وقريب تبقي أحسن

سلام

Unknown يقول...

طز في أي حد يبيع الحب

حد لاقي اليومين دول حد يحبه؟

أبو ضحى يقول...

فعلا كل واقع مسيره يبقى ذكرى
و الذكرى تروح و تيجىو فى كل مرة تيجى فيها نحس بالحنين لأيام كانت فيها الضحكة من القلب صافية، و نظرة العيون كانت تكفينا الاف الكلمات ، ونحس قد اد ايه ناقصنا حاجات و إن قلبنا لوحده محتاجله قلب كمان عشان يدق من تانى..اد ايه بنكون مشتاقين نرجع للحب-أفيون المشاعر-مهما تعبنا ومهما كانت أعراض سحبه من دمنا و روحنا صعبة و مؤلمة

عزيزتى ياسمين
كلنا تلك الفتاة
---------------
خليكى جامدة
-------------
وصلك ايميلى؟ ايه رأيك فى كلامى؟
يا ريت تبعتيلى ايميل برأيك

albida يقول...

أنا مش عارفة ايه الموقف بالظبط بس كل اللى ممكن اقولهولك أنك أقوى من كده
متستسلميش وبلاش موضوع مقتولة دى علشان بيوجع أوى

تحياتى يا أجمل ياسمين فى الدنيا
:)

manal

أسوور يقول...

ابراهيم
انا كمان أتمنى أشوفك قريب فى اللقاء القادم
وكلامك فعلا أثر فية .. كتر خيرك على اهتمامك

أسوور يقول...

أحمد حداد
كلامى فعلا طالع من القلب واكيد فنان زيك يحس بدة
شكرا

أسوور يقول...

حواء
أنا قريت ردك و عرفت قد ايه انتى حاسة بية .. وكان نفسى تنقلى لى خبرتك فى علاج جرح المشاعر والفراق
شكرا

أسوور يقول...

نادين
للأسف مش مجرد شعر جميل
شكرا

أسوور يقول...

IRC President
آه والله صدقت .. حد يلاقى حب كدة ويبيعه
اشكرك

أسوور يقول...

أبو ضحى
وصلنى الإيميل وهأرد عليه فى ايميل
شكرا لإهتمامك

أسوور يقول...

البيداء منال
ازيك بقالك كتير ما جتيش
وحشتينى .. شفتى الحب بهدلة ازاى
تحياتى

الحصان الأسود يقول...

لا شك ان لكل فعل رد فعل

وان لكل تصرف مسببات

ياريت ماتعيطيش عاللي فات وراجعي نفسك وشوفي اية مسببات التصرف دة

حاولي تقلبي الصورة وتبصيلها من وجهه نظر "الآخر" حاولي تشوفيها من وجهه نظرة وشوفي اية اللي حصل واية اللي عملناة غلط

ايوة لازمك يكون فية تصرف غلط أدى لرد الفعل دة

انتي عارفاني مابحبش دفن الروؤس في الرمال وبافضل اني ارفع راسي واشوف اية اللي حصل وبيحصل وان سبب لي ذلك الألم

لسنا بملائكة ولا أنبياء يا ياسمين

وكلنا ولا شك خطاء

ولو عرفنا سبب الخطأ ومنبع المشكلة ووضعنا يدنا عالجرح فلا شك سنعرف العلاج

وانا واثق ان الأمور الآن قد هدأت و لابد سيطفو الحل على السطح

بس لابد ان نعرف فين الخطأ ونعترف بة و نرى سبيل اصلاحه

ياسمين

ماتحطيش عود كبريت والع في تانك البنزين و تقولي فرقع في وشي

والواعي يوطي للريح لما تعدي وتهدي ويقفش في وشها يتكسر

اعتقد انك فاهماني ورسالتي وصلتك

تحياتي

حوريه يقول...

عزيزتى يامين
صباح الخير يارب تكونى احسن دلوقت و كل سنة و انتى طيبة عشان عيد الام
اشكرك لزيارتك الكريمة لمدونتى المتواضعة و اطمع فى ان تتكرر هذه الزيارات
و شكرا

حوريه يقول...

الاستاذ محمد عبد الغفار
كتبت لك تعقيب بمدونتك الراقية التى اتابعها دائما و لم ينشر ياترى ده لانى خالفتك فى الراى و لا ايه ؟ لا اعرف عموما اتمنى لك التوفيق و ارجو ان تشرفنى بزيارة مدونتى و يا سيدى خالفنى كما تريد مش هزعل و شكرا
nadiatahamaktoobblog.com

كراكيب عادل يقول...

الالم درس جديد من الحياة

بنخرج منة يقظين وبنقدر قيمة السعادة

لو مفيش حزن منعرفش قيمة الفرح

ربنا يسعدك

حواء يقول...

ياسمين
ممكن نتقابل على الاميل

اميلى على البروفيل منتظراكى

أسوور يقول...

حورية
انتى عارفة معزتك عندى يا قمر
وأوعدك انى أزور مدونتك على طول
تحياتى

أسوور يقول...

كراكيب عادل
لا فرح بيدوم ولا حزن بيدوم

أسوور يقول...

حواء
هأضيفك عندى حالا

Abd El Rahman Magdy يقول...

حلوة قوي
وإحساسها عالي
كنت أتمنى إنها تبقى أطول عشان اتمتع بيها مدة أطول من كدة

dr_lazeez يقول...

el 7ozn wel za3al wel 2alam kol el 7agat deah heya 2ely bete3mel men el 2ensan 2ensan 2akthar nodog we kowaa.
wenty 2ensana kawaya we gamela we ra2e2a .
ana shayef 2en el tagroba deah hat'7aleeky 2agmad we 2a7san ba3ad mat3ady we teboselha men be3eed.
kolena ma3aky ya yasmina :)

أسوور يقول...

عبووووووووود
الله يخليك
دة اطراء أنا مش قده يا باشا
أشكرك وأوعدك انى المرة الجاية أكتب حاجة أطول

أسوور يقول...

دكتور لذيذ

الإنسان القوى برضه بيحس بالألم وساعات بيتجرح ..
يخبى الألم والجرح بس لحد امتى
انا مش التجربة هى اللى هتقوينى
الناس اللى زيك هم اللى فعلا هيطلعونى من دة
أنا حاسة انى محبوبة ومهمة
ودة أحلى احساس ممكن يقابل انسان
تحياتى

غير معرف يقول...

i told you befor dont be weak you have to many friends caring about you try to be with them to pass it over very soooooon and remember when your mood is o.k. ,when it is o.k ,and with whome it is o.k. we are caring yasmine

rainbow يقول...

by the way the comment by anonymous is mine

أسوور يقول...

Anonymous
لطيف كلامك لكن انت مين بقى
مش تسيب توقيع طيب
ولو بالحروف الأولى من اسمك
عموما أشكرك

أسوور يقول...

rainbow
شكرا يا رينبو على التعليق
ايوة كدة اظهر وبان عليك الأمان

Mony The Angel يقول...

gamda awe
w sa3ba awe :(

كسرت قلمى
وقطعت كراسى

7elwa awe ya yasmin (Y)

أسوور يقول...

Mony The Angel
شكرا ليكى يا سكر
حاسة بالكلام اللى من القلب
تحياتى

أسوور يقول...

الحصان الأسود
أوعدك انى أفكر فى وجهة نظر الآخر وأفكر فى أخطائى وأصلحها .. وايه هتكون النتيجة يعنى .. هيرجع الماضى
مش هيحصل طبعا عشان الزمن ما بيرجعش
ممكن نتعلم من تجاربنا اننا ما نغلطش نفس الغلطة مرتين ..

.:.-=- ELGaZaLy-=-.:. يقول...

عمرنا ما هانتعلم لعبة الحياة صح مهما كبرنا..دايما هانفضل بنلعب بقواعد غلط...
كلامك صادق اوى يا ياسمين بجد

مش بس كويس الحزن بس ممكن حزن وامل حزن وتحدى..

حزن بس هايدمرك للابد....


عامة ان مع العسر يسر ..ان مع العسر يسر ان شاء الله خير

وكلمات جميلة بجد يا ياسمين استمرى

lastknight يقول...

علينا أن ننظر دوما للنهايات باعتبارها .. فرصه لبدايه جديده
لم أتشرف بمعرفتك شخصيا .. لكنى تابعت مدونتك من فتره .. و أيضا مدونة صديقتك الصدوق سهر الليال
سيدتى .. من كان لها هذا الرصيد من حب الناس فهى تمتلك ثروه لا تقدر .. و قدره لا نهائيه لتبدأ من جديد .. و تتجاوز الحزن .. و تتعلم من الماضى
أتمنى أن أرى موضوع مبتسم فى زيارتى القادمه لمدونتك أن شاء الله
و لا أنصحك بزيارة مدونتى الآن أطلاقا .. فمواضيعى دمها تقيل قوى .. مش هاتنفعك اليومين دول

أسوور يقول...

الغزالى
لازم يكون الأمل دايما موجود مهما حصل
أنا رغم الحزن لسة عندى أمل فى بكرة أحلى
شكرا يا غزالى على مساندتك
وأنا عارفة ان عمرك ما هتتأخر عنى أبدا

أسوور يقول...

الفارس الأخير
شكرا لمتابعتك مدونتى
وقدرت تعرف ان سهر الليالى حبيبة قلبى وصديقة عمرى
وهأزور مدونتك حالا رغم انك نصحتنى بعدم الزيارة .. أنا هاستحمل يا سيدى دم المدونة التقيل
كفاية انها مدونتك

غير معرف يقول...

hi yasmine
h r u ? so long time i didnt visit ur blog and also i didnt hear u voice,hope that u r ok and i know that u passed ur problems and every thing will be ok soon


O MY !

أسوور يقول...

Anonymous
برضه مين سيادتك؟

rainbow يقول...

by the way i will tell you who am i but it is not important now the most important thing is to see you happy ,enjoying your life .

أبو ضحى يقول...

ياسمين
شوفتى الناس بتحبك أد ايه ، مين يبقى حواليه الناس اللى بتحبه دى كلها و يكون حزين و زعلان

عاوز أشوف ابتسامتك و اسمع ضحكتك من القلب تجلجل فى البوست اللى جاى
اتفقنا؟

أسوور يقول...

rainbow
thank u, u r so nice person

غير معرف يقول...

this is the second comment for me on this post and if u think that iam the anonymous that wrote the comment and u asked him to sign in with his/her first letters of name
u r wrong !
work ur mind out to guess who am i?

O MY !

أسوور يقول...

أبو ضحى
قول يا رب .. آمين

أسوور يقول...

o! my
برضه مش هاشغل تفكيرى كتير
عاوز تقول انت مين اهلا وسهلا
مش عاوز .. برضه أهلا وسهلا
أنا عموما بأرحب بكل زوار المدونة بلا استثناء

الدبور يقول...

ازيك يا ياسمين اخبارك ايه و اللقاء اللي جاي امتي احنا اخر الشهر اهو
و مين اللي قال القصيجه من تاليفك و لا منقوله لاحد الشعراء
اصلها عجباني جدا اصل انا الايام دي بدات اهتم بالشعر من بعيد لبعيد

تحياتي
الدبور

أسوور يقول...

الدبور
القصيدة من تأليفى .. عاوزين نشوف انتاجك بقى
وهأعلن عن اللقاء قريبا انشاء الله

lastknight يقول...

كتبت فى حاجه غير السياسه . اتمنى تشرفينى.. و طبعا الدعوه عامه

мїяάЖάгїм ™ يقول...

Hi Yasmine,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.

http://chiccopolis.blogspot.com/

Really interesting

أسوور يقول...

lastknight
أكيد .. حالا هأكون عندك

أسوور يقول...

شيكو
قرأت البوست بتاع التحرش الجنسى
وتركت لك تعليق
يا جماعة الإمراض الإجتماعية ليس لها علاقة بالدين
وموجودة فى كل المجتمعات بنسب متفاوتة
وشكرا لك لإهتمامك بزيارتى لمدونتك

Carol يقول...

hi yassmin ezayek ana 2olt amassy bas :)

janin يقول...

وجعتي قلبي,الكلام من القلب قوي و بيمس القلب قوي,عموما القلم القوي عمره ما يتكسرش ابدا ,و لازم يكتب لكل اللي بيحبوه,و اللي بيقدروا احاسيسه

lastknight يقول...

احنا مش هانفوق بقى ولا أيه ؟؟ ماخلاص .. الحزن بأيدينا .. و السعاده برضه بأيدينا .. فين الكتابه الجديده ؟ .. فين ترتيبات لقاء المدونين القادم ؟ فوقى يا ياسمين .. أنتى أنسانه راقيه .. و خساره قوى تضيعى رقيك فى حزن ..
بانتظار رد فعلك الأيجابى على استفزازى المتعمد .. و تحياتى لصديقتك الصدوق سهر الليالى
حد يبقى عنده صاحبه زى دى و يحزن ؟ و الله انتى بتهزرى

عين ضيقة يقول...

اسمحيلى أسألك

فين الجديد؟
الكلام ده اتقال الف مرة
فين بقى الجديد اللى انت بتقدميه؟

أعتقد انك تقدرى تكتبى أحسن ألف مرة

تحياتى

محمد صلاح العزب يقول...

اجمدي يا ياسمين

غير معرف يقول...

أظن إنك مش محتاجه تعليقى لانك مشهوره أوى يمكن انا وقع البلوج دا فى طريقى بالصدفه البحته بس المهم انى عجبتنى جدا هذه القصيده العاميه الرقيقه لانى مهتم جدا بالشعر العامى ولو تسمحى لى ممكن اضع البلوج بتاعك لينك فى البلوج الخاص بيا منتظر الموافقه

ذو النون المصري يقول...

مرسوم و مكتوب علي قلب عصفوره
اجمل كلمه قريتها من وقت طويل جدا
تحياتي

أسوور يقول...

كارول
فينك من مدة .. يارب تيجى تمسى كتير

أسوور يقول...

جانين
حبيبتى وصديقتى وأختى الجميلة
نورتى المدونة يا ست الكل
مبروك مدونتك الجميلة ومبروك علينا احنا المدونين وجودك معانا
أنا عارفة انك حاسة بية وعارفة اللى جوايا .. ربنا يخليكى لية

أسوور يقول...

lastknight
أشكرك على تعليقك .. أنا بشر برضه وبازعل وبأحزن وبأغضب
وعموما افتراض الاخرين فى ياسمين انها قوية ولازم تتحمل هو اللى عمل مشكلة دلوقتى .. يفترضون فى القوة والصبر وبذلك يتمادون فى غيهم .. مش لضعف فى .. لأ لقوتى .. للأسف
هأبلغ سهر الليالى
تحياتى

lastknight يقول...

قوتك مشكلة كل مواليد برج الجدى .. هاهاهاه .. كويس انك رديتى و طمنتينا أنك بتقرى .. برضه مش هاعفيكى من طلب الكتابه و تنظيم لقاء المدونين اللى قلتى بنفسك أنه ابنك اللى هاتراعيه و تكبريه

أسوور يقول...

عين ضيقة
والله هو دة اللى خطر فى بالى
المرة الجاية هبقى أسألك الأول قبل ما أكتب اذا كان الكلام ينفع ولا لأ
شكرا

أسوور يقول...

محمد صلاح عزب
حاضر .. أوعدك

أسوور يقول...

westtewest
شرف لية ان اى مدون يحطنى فى اللينكات عنده
وأشكرك على الإطراء
تحياتى

أسوور يقول...

ذو النون المصري
الله يخليك بجد .. رفعت روحى المعنوية
تحياتى

أسوور يقول...

lastknight
آه هى دى فعلا مشكلة مواليد برج الجدى
وللأسف بيدفعوا تمن غالى لقوتهم الظاهرة وصبرهم
وأنا طبعا بأرحب بيك فى اللقاء
لأ دة شرف لي ان مدون فى قوتك يحضر اللقاء ويشارك فيه ويباركه
اشكرك فعلا

anos يقول...

عشان مش مقدر القمر اللي معاه

مش عارف يقول...

دايما نسال ليه
ليه حلمنا بيضيع؟
ليه العيشه فى الزمن ده بقت شئ فظيع؟